2010-07-27

الطائر الحزين


تذكرتك ........ وتذكرته

تذكرت صوته وهو يقظنى من النوم

تذكرت لجؤه لشرفتى هربا من الامطار وطلبا

للامان والحنان

تذكرت نظرات الامتنان والحنان فى عينيه

وهويأخذ الحبات القليله من يدي كم تعودت عليه

وتعودت عليك

انت مثل الطائر الذى يقف امام شرفتى يسامرنى الحديث

تحدثنا كثيرا بلغه العيون ...... ما اجملها لغتك حبيبى

ما أمتعها كلماتك .. نظراتك .. ابتساماتك

كنت انتظرك فى كل صباح وتأتى الى متلهفاً الحوار

كالصائم ينتظر وقت الاذان ليروى عطشه

كالشجر يشتاق لقدوم الشتاء لتحيا اوراقه

كالغريب يحنو لوقت العودة لوطنه

انتظرتك ولم تاتى ... انتظرتك كثير

ولكنك لم تأتى بعد

لم اتمالك نفسى

جلست وحدى تاهت افكارى وانهمرت دموعى

الى ان جفت من عينى ولم يبقى لى شىء ابدا

حتى دموعى التى كنت ابوح بها عما بداخلى

قد فقدها مثلك حبيبى


واخــــيـــــراً

ادركت انك لن تأتى ابدا

واصبحت انا بدونك مثله طائر حزين


لـــ كـــ نـــ ى

مازلت انتظرك ..... وسأنتظرك  ..... حتى اخر العمر

55 comments:

gogo!sf said...

البوست ده تعبنى جدا جدا فى النشر مش عارفه ليه بجد اول مرة

فا قولت زى بعضه بقى اكون اول تعليق واعوض تعبى اشمعنى انا يعنى

المهم لو فى حاجه غلط ولا كلمه ولا نقطه ناقصه افهموها انتم وحذارى حد يقولى انه فى غلطه انا بنبهكم اهو

Anonymous said...

مازلت انتظرك .... وسأنتظرك ..... حتى اخر العمر

بصى الجزء دا رررررررهيب بجد

ايه يا جوجو جو الرومانسيه الجميل دا
فعلا عندك حق مافيش اجمل من لغة العيون

بوست جامد وكلماته حلوه ومعبره

تسلم ايدك ياجوجو هانم
دمتى فى حفظ الرحمن

Anonymous said...

يرى المحبوب حبيبه فى كل شىء حوله

زهرة .... نسمه .... شجرة .... او طائر

فدائما حبيبه حوله فى كل مكان والانتظار احد بوابات الامل وان كان الانتظار للمحبوب فهذا هو مكان الامل

دومتى مبدعه وافضل ما فى الابداع
ان يكتب الانسان ما يفرحه او يؤلمه دون اى تحافظات


خالص تحياتى

N.VOK

سمكه واحده said...

ما اجمل كلماتك ياجوجو بجد
روعه
بس مش معاكي في مسأله الانتظار يمكن تختلف من شخصيه لاخري او او
انا بكره الانتظار
وده ميمنعش ان الواحد عنده صبر بس الصبر حاجه والانتظار حاجه تانيه
بس لو الانتظار بفايده ممكن الواحد ينظر لاخر العمر
لكن لو انتظار وملوش نهايه لاء في حجات تانيه تنتظر الانسان في الحياه وممكن ميكونش واخد باله منها لو قوقع نفسه في انتظار شئ واحد فقط
ده اكبر غلط بتوه حجات حلوه كتير وجميله في حياته
دي وجهه نظري المحدوده
انتظر بس مقفش مكاني
بحب الحركه الكتير انا نشيطه حبتين
(:

اخبراتك ايه
ياجمر
معلش البوست علي اد ما تعبك علي اد ما طلع روعه تسلم ايدك وعينك ياجميل

Ramy said...

الله الله

بجد جميلة جدا

عارفة ليه

لأنها بتوصف حالتى جدا

عارفة انا كل بوست بأكتبه

بقول كدة

هستناها

حتى اخر العمر

تسلم ايدك

حلمى البعيد said...

بقيتى بتتذكرى حاجات غريبه اليومين دول
ماله القمر زعلان ليه؟؟ وبيغيب علينا كمان
بس ياجوجو ياقمر إنتى
طالما دخلتى في مرحلة الإنتظار
هقولك ربنا يكون في عونك ويكون معاكى
أصعب حاجه في الدنيا انك تنتظر شئ مش عارفه نهاية انتظارك إيه
ويارب ميطولش الانتظار ده
ربنا يوفقك يارب
بتمنالك كل خير يا قمرتى
أمانى

طوبه فضه وطوبه دهب said...

بجد جميل اوى اوى تسلم ايديك ياقمرايا وكل سنه وانتى بالف خير وحب وسعاده

Unknown said...

اتمنى الا تطول فترة الانتظار

محمد التركى said...

السلام عليكم ورحمه الله وبركاته
الاخت العزيزة
جوجو

أول زياره ليا فى مدونتك الجميله والرائعه
بوست رائع وجميل جدا
كلاماتك رقيقه
تعبيرك حساس
قلبك قلب طائر شفاف

أعجبنى كلمتين
واخــــيـــــراً
ادركت انك لن تأتى ابدا

أحساس صعب وبعد كده مستنيه
عندك أمل

تسلم ايدك وقلمك

تقبلى مرورى
تحياتى لشخصك الكريم

محمد التركى

blue-wave said...

والله كلام زى الفل
بجد تسلم ايدك

Elsayed Azab said...

بسم الله ما شاء الله عليكى
لما قولتلك انك بتبدعى ووصفت ابداعك ده بالرسم بالكلمات بجد ولوحاتك تحفة شكرا بجد انتى انسانة موهوبة ربنا يحميكى وشكرا مرة تانية ..:)

TWEETY said...

ازيك ياطانت انا جيت ازورك
ومبسوطة انى هنا
هستناكى انت كمان تزورينى خلاص اتفقنا

Anonymous said...

?

gogo!sf said...

الحب الجميل

برغم انى مش بحب الانتظار الا انه
فعلا الجزء ده عجبنى انا شخصيا

انا سعيده جدا انك حاستيه بنفس احساسى
وفعلا ما اجملها لغه العيون

ميرسى يا قمر على زوقك الرقيق
بجد انتى حد جميل جدا ورقيق جدا

منورانى دايما يا قمر

gogo!sf said...

N.VOK


عندك حق جدا الحبيب موجود فى كل مكان
واكيد لازم نشوفه فى كل شىء فى الدنيا
حتى لو طائر مثلما قولت انت

الابداع من صفاتك انت يا عزيزى

منورنى جدا جدا

gogo!sf said...

سمكه واحده

الاجمل هو وجودك انتى يا سموكه

انا متفقه معاك فى مسأله الانتظار
بس اللى بيحب ممكن ينتظر حبيبه لاخر لحظه فى عمرة
الحب الحقيقى هو الذى يجعل الانسان فى حيرة وانتظار
حتى لو مش فيه فايده دايما بيكون عنده امل

وعلى فكرة بقى انا انشط منك يا قمر

ربنا يسعد اوقاتك يا سموكه ولا يجعلك من اهل الانتظار
ما انتى لازم تنتظرى يا موكه عشان يكون حدا يستاهل شخصيتك الجميله يا قمر

و تستمتعى بأجمل حب فى الدنيا

انا بخير والحمد لله يا رب انتى تكونى بخير دايما يا جميل

منورانى جدا ودايما بتنورينى وبستنى رأيك جدا فى كل
موضوعاتى عشان بتتناقشى معايا بكل وضوح وصراحه

نورتينى يا سمكه

gogo!sf said...

رامى

الله عليك انت وعلى صراحتك يا مان
تعرف يا رامى ان الحب هو اللى بيخلى الواحد
ينتظر حبيبه وهو فى بهجه وسرور حتى لو كان
الحبيب مش موجود لمجرد انك تحس بمشاعر جميله
اتجاه دقات قلبك بيكون عندك امل فى ان حبيبك متواجد
معاك دايما حتى فى احلامك

ربنا يسعدك يا رامى ويجعل ملاكك من نصيب قلبك الرقيق

منورنى يا رامى كتييييييير اوى

gogo!sf said...

حلمى البعيد

مش عارفه يا بت يا امانى حتى انا مستغربه نفسى جدا
مش عارفه ليه بفكر كتير اكونش بحب .......؟؟؟ يمكن

الانتظار جميل طالما للحبيب سوء بأمل او بغير امل
فانا مازلت انتظرة وليس افقد الامل

انا اللى بتمنالك كل خير يارب
ويارب يا امانى يارب يرزقك كده بعريس زى الفل
ومش مسطول هههههههه فاكرة ولا اسيحلك على البلوج زى الفيس بوك
قول لو عيزانى اسيحلك هنا انا سو ههههههههههه

منورانى والله يا مونى يا قمر

gogo!sf said...

طوبه دهب وطوبه فضه

يسلملى زوقك يا دهب ربنا يخليكى ليا
والله محد رافع معنوياتى غيرك

كل سنه وانتى بخير
ورمضان كريم يا جميل

نورتينى كتير اوى اوى

gogo!sf said...

العيسوى الصغير

يارب يا عيسوى ادعيلى انت بس انها مش تطول
ويرجعلى بسرعه اشتاقت له كتييييييييير خالص

نورتنى جدا يا عيسوى وكل سنه وانت طيب يا جميل

gogo!sf said...

محمد التركى

وعليكم السلام ورحمه الله وبركاته

الاروع بجد هو وجود حضرتك

طبعا بشكر حضرتك جدا على كلامك الراقى
وسعيده اوى ان فى جزء عجبك من البوست

واكتر جزء بيهزنى انا شخصيا
وفعلا عندى امل برغم انى متأكده بأنه لم يعود لى مرة اخرى

لكنى انتظرة وانتظرة لاخر نفس فى عمرى

نورتنى يا محمد جدا

gogo!sf said...

blue-wave

والله انت اللى زى الفل يا عمرو
تسلملى يادكتور
الا مش عايز تغير رأيك ولا كنت بتتكلم جد
ههههههههههههه

منورنى جدا جدا ياعمرو

gogo!sf said...

elsayed azab

ميرسى جدا جدا يا عذب ده بس من زوقك ورقه مشاعرك

بجد دايما بترفع من معنوياتى

ميرسى ليك مرة تانيه

نورتنى جدا جدا يا مان

gogo!sf said...

TWEETY

توتي يا قمر ازيك يا روحى
انا اللى مبسوطه جدا انك موجوده هنا

وبعدين احنا مش قولنا بلاش طانط دى
عشان نكون اصدقاء

نورتينى يا حبيبت قلبى

gogo!sf said...

Anonymous said

!

أتنين حبيبين said...

الانتظار من اصعب الاشياء ربنا يقرب البعيد

كلمات رائعه
كل عام وانتى الله اقرب
رمضان كريم حبيبتى

مودتى

gogo!sf said...

أتنين حبيبين

اكيد من الصعب الانتظار وخصوصا انتظار الحبيب الذى تأكدتى انه لم يعود مرة اخرى

ولكنى انتظرة ليدق قلبى ثانياولم افقد الامل لرجوعه

وانتى طيبه يا توتا

الله اكرم يا قمر

نورتينى جدا جدا

جايدا العزيزي said...

الله يا قمر

ما اجمل الوفاء

وما اروع الانتظار

همسك راق لى غاليتى

ووفائك النادر لفت نظرى


ومش مهم التعب

المهم انك نجحتى


الاصرار اهم مايميزنا


تحياتى

حلمى البعيد said...

هههههههههههههههه
بلاش يا جوجو
أنا عامله فيها مصحصحه هنا
ه هى الواحده متعرفش تفك معاكى بكلمتين
ويارب يرزقنى بعريس كده مصحصح
وأنا هسطله بمعرفتى

كل سنه وانتى طيبه يا قمر

أتنين حبيبين said...

رمضان كريم عليكى حبيبتى ويارب ينعاد عليكى بكل الخير والاسره الكريمه
وحشتينى كتير

جايدا العزيزي said...

عديت ااقولك كل عام وان بخير

اعادة الله عليك باليمن والخير والبركات

تحياتى

فشكووول said...

السلام عليكم جوجو هانم
تحياتى
يا بنيتى طالما انك ادركت انه لن يأتى ابدا
خلاص .. الحكايه خلصت واحنا ولاد النهارده

على فكره البوست اللى فات بتاعك بتاع عارضات الازياء
والله هما ولاد حلوين قوى بس يا خساره كعب الجزمه بتاعهم رفيع قوى هو اللى بيجيبهم على وشهم


كل عام وانتم بخير بمناسبة رمضان الكريم اعاده الله عليك بموفور الصحه
رمضان كريم

kimo said...

ياجاااااااااااااامد

والله انا قولت
العسل مايكتبش


الا السكر

الازهرى said...

مازلت انتظرك ..... وسأنتظرك ..... حتى اخر العمر

مست فى داخلى وترا حزينا طالما أخفيته عن من حولى
هذه الكلمات نقشتها على جدران قلبى من زمن بعيد وطالت الأيام ولم تمح مع مرور الزمن على الرغم مما تراكم من أحداث


تحياتى
وكل عام وكل من تحبين فى خير وإيمان وأمن وسلام

اقصوصه said...

رمضان كريم

أتنين حبيبين said...

وحشتينى كتير
وغايبه عنى من زمان
يارب تكونى بخير
طمنينى عليكى
وكل سنه وانتى طيبه

TWEETY said...

ازيك ياطانت
اخبارك ايه
انا جيت ازورك
يارب تكونى كويسه
ابقى زورينى ماشى
مع السلامة
كل سنة وانت طيبة

باحث عن حب said...

كلمات فوق الرائعه
ولكنى الاحظ من ارشيفك ان دخولك للمدونه قليل جدا
وانا مصدقتش ان البوست ده من شهر 7 انتى قلبك قاسى قوى على مدونتك

حرام عليكى كده
المندونه عاوزه شويه
حنان منك
خلى بالك منها
كل سنه وانتى طيبه

gogo!sf said...

جايدا العزيزي

الانتظار رغم انه رائع ويدل على الاصرار لشىء ما
الا انه مؤلم كلما طالت مدته
واحيانا لم يكن بفائده لكن الامل دائما يحيا بداخلى

بشكرك جدا على مجاملتك الرقيقه وبشكرك اكتر على تعبيراتك الراقيه

كل سنه وانتى طيبه يا قمر ورمضان كريم

نورتينى جدا جدا يا جايدا

gogo!sf said...

حلمى البعيد

ههههههههههههههه
لا وانتى ماشاء الله عليكى مصحصحه على الاخر
يا بنتى انتى عيزالك صيدليه منبهات بحالها
هههههههههههه

خلاص يا مونى فكى براحتك ومش تقلقى منى اوعدك
اخر مرة اسيحلك على حاجه تانى سواء هنا او على الفيس
اوك بس ماتاخديش كلامى ثقه اوى
بهزر يا بنتى والله

وانتى طيبه وبخير دايما يا قمر
منورانى دايما والله يا مونتى يا حبيبتى

gogo!sf said...

أتنين حبيبين

انتى كمان وحشتينى اكتر والله يا توتا

وانتى بالصحه والسلامه وبخير دايما يارب انتى واسرتك
الله اكرم يا قمر

السنه الجايه كده بأذن الله ترمضى فى عش الزوجيه على خير ان شاء الله

انا عارفه انك بتقولى لسه هستنى السنه الجايه
خلاص مش لازم الجايه خليها اى وقت بس المهم اننا نفرح فيكى
قصدى بيكى يعنى

نورتينى يا توتا يا قمر

gogo!sf said...

جايدا العزيزي

وانتى بالصحه والسلامه يارب
يا رب يا حبيبتى انا وانتى وكل المسلمين اللهم امين

انتى تعدى فى اى وقت يا جايدا بيتك ومطرحك يا جميل
انا بيذيدنى شرف بمرورك الجميل

نورتينى جدا

gogo!sf said...

فشكووول

وعليكم السلام ورحمه الله وبركاته فاشكول بيه
يا اجمل اب فى الدنيا ربنا يديك الصحه والعمر يارب

لالالالالالالالالالالا
انا بنت اليوم الذى يعود فيه اليه مرة اخرى

هو انا اى نعم مدركه لكن الامل موجود والانتظار محدود


الفيديو ده موتنى من الضحك بجد فضيحه لكل عارضه ازياء
المشكله مش فى الكعب المشكله الاساسيه فى الماشيه بتاعتهم
يعنى هما لازم يمشو ويخلو رجلهم تخبط فى بعض كده
هو ده اللى بيوقعهم على وشوهم او ظهرهم حاجه بجد فظيعه

وانت طيب وبالصحه والسلامه يارب
ورمضان كريم

نورتنى جداجدا

gogo!sf said...

kimo

كيمو يا متواضع فينك يا ابنى

اى خدمه يا كيمو بس ليه الاحراج ده

عجبك كده اديك خليت المدونه كلها ملزقه

نورتنى جدا جدا يا كيمو باشا
متغبش تانى

وميرسى ليك يا قمر

gogo!sf said...

الازهرى

الوتر الحزين اللى داخل قلبك هو الحقيقه يا اسامه

ومع الاسف الزمن لم يكن قادرا على محو
الحقيقه من حياتك حتى لو تظاهرت بعدم
وجودها لمن حولك وقدرت تقنعهم بذالك
فانت الوحيد الذى لم تقتنع بمحوها من داخلك
ولذالك الانتظار هو الشىء الوحيد لاحياء قلبك دائما
وتشعر بسعاده غريبه عندما تفكر او تذكر بما هو داخلك وتعرف دائما مدى جماله ولذته

وانت طيب يا اسامه وبخير دايما انت واسرتك الكريمه

انا عايزة اقولك ان تعليقك ده هزنى
جدا وخلانى افكر مليون مرة فى ردى عليك

يمكن يكون فى تناقد فى كلامى عن الانتظار

لكن حقيقى ردى عليك هو احساسى الصادق عن الانتظار
حتى لو مش بفايده يكتفى ان اعيش على
ذكرى جميله شعرت بها يوما


خالص تحياتى

gogo!sf said...

اقصوصه

الله اكرم يا اقصوصه
كل سنه وانتى طيبه وبخير انتى واسرتك الكريمه

نورتينى يا قمر
ذ

gogo!sf said...

أتنين حبيبين

وانتى كمان وحشانى والله

انا مش غايبه خالص اهو
انا معاكم على طول والله

وبعدين انا مقدرش اغيب عنك يا قمر

وانتى طيبه وبخير وسعاده يا توتا

نورتينى كتير يا جميل

gogo!sf said...

TWEETY

الله يسلمك يا توتى يا جميله

انا بخير والحمد لله
المهم انتى اخبارك ايه يارب تكونى بخير دايما

انا بزورك على طول من غير ما تقولى

وانتى طيبه وبخير يا حبيبتى

منورانى دايما

gogo!sf said...

محمود(باحث عن حب)

اولا ميرسى جدا ليك

ده بس من زوقك الراقى


الله يسامحك يا محمود انا قلبى قاسى

خلاص اوعدك انى هديها كل الحنان اللى فى الدنيا


وانت طيب وبالصحه والسلامه

نورتنى يا محمود جدا

همسات وبحــ الحياه ــر said...

مازلت انتظرك .... وسأنتظرك ..... حتى اخر العمر

جميل ياجوجو معلش مقصرة معاكى بس عندى مشكله ان الريدر مبيقوليش على الجديد مش عارفة ليه


ادركت انك لن تأتى ابدا
واصبحت انا بدونك مثله طائر حزين


لـــ كـــ نـــ ى
مازلت انتظرك ..... وسأنتظرك ..... حتى اخر العمر

لسه حاطه بوست سبه البوست دا :)
مازال يذكرنى ام شغلته الحياه

كل سنه وانت طيبة ياجميل

جوجو said...

السلام عليكم
اسلوبك قوى جدا وهايل جدا
انتقائك للكلمات رائع مفيش اى حاجة غلط ولا حاجة جميل جدى التحدى اللى فى اخر البوست
تحياتى

gogo!sf said...

دموع القمر

انتى الاجمل يا اجمل دموع

ولا يهمك المهم انك شرفتينى وبعدين انتى تيجى فى اى وقت يا جميل

صدقينى يا بنتى والله زمانه اتجوز ونسيها اصلا هما الرجاله كده ربنا رزقهم بنعمه النسيان وبالقلب القاسى المجرم
مش احنا ... وتلاقيها يا حرام قاعده منتظراه زى حالاتى كده هههههههه
قال سأنتظرك حتى اخر العمر قال


نورتينى جدا جدا يا قمر

gogo!sf said...

جوجو

ميرسى ليكى يا قمر
انتى كلك زوق ورقه والله
ورفعتى من روحى المعنويه

اوقات التحدى بيكون جزء من الامل فى الغد

الاجمل هو وجودك يا جوجو

نورتينى جدا يا قمر

همس الاحباب said...

اممممممممم
تسلم الايادى
كل سنة وانتى طيبة
وعيد سعيد عليكى ان شاء الله
وعلى طائرك السعيد
تحياتى

gogo!sf said...

همس الاحباب

تسلم يا استاذ خالد
ربنا يخليك وميرسى ليك جدا

وحضرتك طيب وبخير
وعيد سعيد عليك وعلينا جميعاً ان شاء الله

اتمنى ان يكون طائرى دائما سعيد وليس حزين

نورتنى جدا