2013-06-08

شمس النهـــار




انا سعيده جداً انى شوفت مدام شمس النهار واتعرفت عليها من قريب اوى
بجد شخصيه جميله جداً جداً ورحها خفيفه اوى وتشد اى حد للحديث معها وغير كده لمست فيها الحنان اللى فى الدنيا كله
حضرتك ام رائعه واتمنى ان اليوم ده يتكرر تانى ان شاء الله
مدام استاذ ابراهيم ..
حد هادي وجميل جدا وامورة اوى ومش عارفه ايه اللى وقعها فى استاذ ابراهيم م الاخر هههههههههههههههه
بهزر يا استاذ هيما اوع تزعل منى بأسماء اولادك اللى انا شخصياً مش عارفه احفظهم بذمتك دى عامله ايه الاسماء المكعبله دى ( الله يرحمك يا والدى )
طبعا استاذ ابراهيم من الشخصيات المحترمه والجميله جداً
وربنا يحفظلك اولادك ويخليهملك  يارب
اسامه ناصر اللى اللقاء ده اتعمل عشانه
حمد الله ع السلامه يا جميل وربنا يتمم لك على خييييييييييير ويارب يجعلها اخر مرة قول امييييين يا ابنى مع انى اشك فيك وربنا يستر بقى
وطبعاً رامى فايز اللى وصل قبلى ومشى بسرعه من غير ما نشوفو خالص بجد زعلت بس تليفونك خلانى التمس لك العذر وان شاء الله تتعوض المرة الجايه
ازهرى منظم اللقاءات حاجه جميله خالص
بحس انى بتعامل مع احمد اخويا بالظبط ربنا يوفقك يا ازهرى يارب وافرح فيك ان شاء الله .
كريم ( شاب فقرى ) طبعا هو شخصيه هاديه جدا واعجب ببنتى سما عادى يعنى ههههههههههههههه هجوزهالك يا كريم بس لما تخلص دراسه وبلاش اسيح .. بالتوفيق ان شاء الله
ويارب تنجح يااااااااااااااارب يا كريم
 عايزة اقول حاجه بقى ..
برغم انى تعبت جدا اليوم ده فى المطبخ وكان من المفروض انى اخلص الاكل وانام ولو كانو قالولى ان بابا طلع من قبرة كنت هقولهم خليه ياخد شاور على ما انام ساعه واروحله
بس كله يهون عشان خاطر الناس الجميله اللى شوفتها فى اليوم ده وكفايه السعاده اللى كنت فيها عن جد
بس بردو استاذ ابراهيم وكريم مش قالو رأيهم فى الباشميل
الناس كلها مسكو الاكل ومش سمعت صوت ولا حد فيهم
واسألهم يا جماعه ايه الاخبار ولا حد رد غير بعد الاكل يلا بالهنا والشفاااااااا على قلبكم
وكفايه رأيى مدام شمس وجوزى طبعاً رفعو من معنوياتى كتير وطبعا انا واثقه من اكلى اصلاً ههههههههههههههه
بجد كان يوم جميله كتييييير وانا سعيده بيكم كلكم ويارب يتكرر بنفس الاشخاص والروح الحلوة دى
كانت معكم جوجو من امام شاشه الكمبيوتر



10 comments:

gogo!sf said...

البوست ده المفروض كان نزل من يوم الخميس بس بصراحه كنت نايمه
مجهود بقى يا جماعه تعبت الله بقى

ابراهيم رزق said...

ههههههههههههههههههههههه

ما انا قلتلك رائى فى البشاميل
قلتلك يعنى و دى لو سالتى مراتى هتعرفى انها درجة كبيرة قوى

بجد و الله العظيم تسلم ايديكى
اليوم كان جميل بيكى و بشمس النهار و طبعا نادر و ازهرى و اسامة و كريم و اولادك الجمال جدا

بجد روحت البيت و انا مستمتع جدا

بالصحبة الجميلة و الاكل الجميل
و تسلم الايادى

تحياتى

الازهرى said...

بحس انى بتعامل مع احمد اخويا بالظبط ربنا يوفقك يا ازهرى يارب وافرح فيك ان شاء الله .



أخوكى وتفرحى فيه ؟؟؟؟؟؟؟؟؟؟
إزاى يعنى دا إن شاء الله
فى حد يتمنى الشر لأخوه ؟؟؟؟؟


وكمان إيه موضوع سما وفقرى دا
قرطاس ترمس أنا ؟؟؟؟؟؟؟؟؟؟

وربنا أقتله وأقتلك وأقتل نادر
وقد أعذر من أنذر

شمس النهار said...

صباح الهنا علي عيونك
يااجمل جوجو في الدنيا
كلك ذوق ياجميلة
وبجد حسيت اني اعرفك من زمااااااااان
ربنا يكرمك
الصحبة كانت جميله بيكي
كنتي دينمو المجلس
وهستنياكم في زيارة زي ماوعدتيني
واسعد بضحبتكم تاني
كان نفسي اقعد اكتر بس انتي عارفه الاستدعاء اللي تم
::)
ان شاء الله تتعوض:)

eng_semsem said...

من حلاوة البشاميل مش عرفنا نتكلم
وبصراحه انا كنت جوعت قوي
كان يوم جميل ولذيذ واجمل ما فيه الناس اللي كانت موجوده قيه
تحياتي

gogo!sf said...

ابراهيم رزق

ماشى يا استاذ هيما انا عارفه انى اكلى يجنن اصلا ومش محتاجه رأى حد ههههههههههه
بجد ربنا يخليك وتسلملى اليوم فعلا كان جميل وكان خفيف جدا رغم انى كنت تعبانه ومرهقه بس احلو لما شوفتكم كلكم
ربنا يخليلك اولادك وزوجتك وحقيقى هما جمال كتير ربنا يحفظكم اللهم امين يارب

منورنى دايما بخفه دمك يا هيما

gogo!sf said...

الازهرى

طبعاً يا ابنى افرح بيك واشوفك اسعد الناس بأذن الله انت اصلا تستحق كل الخير عن جد

يا خراشتى هتقتل كل الناس دى عشان سما
بص يا ابنى الطيب احسن انا هجبهالك لحد
عندك وبلاش حوار القتل ده

وبعدين كريم مش يتعايب
الراجل زى الفل وبلاش تقطع على
البنت من دلوقتى سبها تاخد فرصتها

اقولك مش خسارة فيك يلا زى بعضه

نورتنى يا اسامه يا جميل

gogo!sf said...

شمس النهار
صباح الفل والياسمين على شخصيه من اجمل الشخصيات اللى عرفتها فى حياتى
بجد انا فخورة جدا بحضرتك
والله حضرتك الذوق كله
ربنا يخليكى ويحفظك ويحفلك اولادك وتفرحى بأحفادك كلهم اللهم امين يارب

ان شاء الله هتلاقينى عندك واتشرف برؤيتك تانى وتالث ومليون

يارب دايماً منورانى

gogo!sf said...

eng_semsem

هههههههههههههههه همك على بطنك يا ساتر انا قولت لما تنزل بلدك هتنسى الاكل شويه بس لاقيتك زى مانت
طلع العيب مش فى الغربه

بجد انا سعيد برؤيتك كتير يا اسامه وكسبت اخ جديد وربنا يتمم لك على خير

منورنى يا اسامه كتييييييير

عاطف سعد said...

روعه طريقك في القصص يا استاذه بيعجبني قوي مش بتهملي شيئ
تحياتي لحضرتك