طبعا هى مش فاهمه اى حاجه خالص فى الكمبيوتر غير شويه الالعاب والاغانى اللى بتسمعها !
كل يوم تقعد شويه ع الجهاز وبعدين تقوم تشوف ايه اللى وراها .... عادى يعنى كتير بيعمل ده ..
فى يوم من ذات الايام كده قال خير اللهم اجعله خير
قاعده هى على الجهاز والوقت سرقها وقعدت تلعب وابنها يقولها عايز اقعدت شويه على الكمبيوتر تقولو
حاضر ومش تسأل فيه......... لاء وايه كانت كمان بتسمع اغنيه ايه تحفه اكيد كلكم عارفنها اللى بتقول
وشربت حجرين على الشيشه طبعا اغنيه مشهورة جدا تقولش بتسمع ام كلثوم
ونسيتها الدنيا ومندمجه معاها اوى
المهم خير يارب الهانم قاعد ولقيت فاجأه خير اللهم اجعله خير الشقه اتملت دخان وكأن الحجرين اللى ع
الشيشه هما اللى لغمو الجو بالدخان
قامت تجرى على المطبخ لقيت الحريقه اللهم احفظنا يارب مسكت فى المطبخ الخشب والدنيا ولعه على الاخر
هوب راحت جرى جابت بطانيه واتكلفتت بيها ودخلت تحت النار وقفلت الانبوبه ... طبعا برافو عليها انها
فكرت فى لحظه زى دى فى حاجه اصلا
وبعدين اتلمو الناس والجيران طلعو قالو دى العمارة بتولع.... وعيالها اتخضو وهى طبعا كانت هتموت من الرعب
لكن الحمد لله ربنا سترها عشان كان ممكن اوى النار تمسك فى الغساله الاتوماتيك والكهربا والدنيا كانت
ممكن تخرب والسبب الكمبيوتر
ده طبعا لجوزها وللناس ومحدش هيقول انها مستهترة ولا بتركز هى بتعمل ايه
وفى الاخر نكتشف انها كانت بتحمر بطاطس ونسيت الزيت على النار وخرجت للحجرين على الشيشه
طبعا ربنا يسترها علينا جميعا هو مش موضوع يضحك خالص بس الشخصيه نفسها تضحك وهى بتحكى
تحسسك انك بتتفرج على فيلم عربى من بتوع زمان اوى
الموصيبه بقى ان ابنها دخل المطبخ وشاف النار وهى لسه فى البدايه ومش راح قالها ولما بنسأله ليه مش
قولت لمامتك قال انا خوفت تزعقلى ههههههههه ليه يا ابنى هو انت اللى ولعت فى المطبخ
عادى يعنى هو طفل اصلا ومش مستوعب يعنى ايه نار ولا حريقه
المهم بقى جوزها جهه طبعا مخضوض بعد الاتصالات وكان هيموت يا حرام
اصلى الناس قالولو الحق شقتك ولعت ومش فهم اى حاجه خالصوكل التليفونات مغلقه يعنى راح على عماه يا
قلبى لقى المطبخ بكل اللى فيه مونون من الحجرين
بس الشهاده لله طلع راجل بعد كده عاقبها واخد الكمبيوتر من البيت
ههههههههههههههههههههه
المهم بقى ربنا يهديها ويبعد عنها وعنا جميعا كل شر
اصل الشخصيه دى ليها مصايب بعدد شعر الراس
موصيبه من استهتار الستات
