2010-11-23

بهدوء




بهدوء نفسى نتفاهم سوا بهدوء ونروق ونفوق على احلى حقيقه نفوق

واحكيلك كل اللى ما قولتوش ....... ولا حستهوش ناحيه مخلوق

بهدوء نفسى نتفاهم سوا بهدوء

انت وبس انت اللى بدوب فيه والحب اللى مقدرش اداريه

ولا يمكن اعيش ابدا غير بيك

كان متهيئلى ده شىء ملموس ...... اتاريه مش باين ولا محسوس

يمكن ده لانى مشرحتوش  على كلً بقى كل ده ملحوق  لما نتعاتب سوا

بهدوء .......... بهدوء يلا نتفاهم سوا بهدوء

مهو مش معقول ان اللى يحب لابد يقول 

طب ده انا احاسيس لو تنقاد  تحسبها خيال ..... !!!

ومشاعرى الحلوة من نواحيك مالهاش ولا وصف يعبر ليك ويكون مقبول

مش معقول

كان متهيئلى ان النظرات ممكن تغنينى عن العبارات لكن العبارات حتى ماكفوش

على كلً بقى كل ده ملحوق ..... لما نتعاتب سوا بهدوء

بهدوء يلا نتفاهم سوا بهدوء


لطيفه



23 comments:

gogo!sf said...

بهدوء نفسى نتفاهم سوا بهدوء

من حقيبه الذكريات

من حوالى ......... سنين كتير اوى مش لازم تعرفو اد ايه

بحبها جدا وبتفكرنى بحاجات جميله اوى

اول تعليق ليا طبعا

عمرو يسرى said...

كان متهيئلى ان النظرات ممكن تغنينى عن العبارات لكن العبارات حتى ماكفوش

كلمات جميله جدا بس العبارات ماكفوش وللاسف العتاب بهدوء مِش هينفعوا

لاننا مجتمع لا نعرف الهدوء

طب ده انا احاسيس لو تنقاد تحسبها خيال ..... !!!

اكيد خيال علمى
هدوء فى بلدنا
لايمكن
لايمكن فى بلد الضوضاء نعاتب او نتكلم بهدوء

تحياتى

ツSmiLeY AnGeLツ said...

السلام عليكم
الحمدلله على السلامة كل دي غيب
اخبارك
يارب تكوني بالف خير
الخاطرة الجميله
بجد روعة
الهدوء سيد التفاهم لو ماتفاهمنا بالهدوء مااتحلت مشاكلنا ابدا
ربنا يوفقك
تقبلي مروري
سلامي لاجمل وارق واطيب جوجو

mrmr said...

بهدوء ... نفسى اقولك وحشتينى بهدوء

بهدوء ... اقولك جميله خاطرتك بهدوء

بهدوء ... تسلم ايدكى بهدوء

بهدوء ... دمتى بالمشاعر الرقيقه بهدوء

ههههههههه

جميله يا جوجو

ربنا يسعد قلبك يا قمر

miroooo said...

جميله اوى يا جوجو
حلو التفاهم بهدوء ده
الكلمات جميله اوى
ربنا يجعل حياتك كلها سعاده وهدوء

gogo!sf said...

يا جماعه دى اغنيه قديمه للطيفه
اكيد كلكم عارفينها طبعا

بس الاغنيه دى من اكتر من 10 سنين تقريبا

مش انا اللى كتباها يعنى انا راضيه ذمتكم انا هكتب حاجه جميله كده بردو

ماشى ماشى

اكيد لو سمعتوها هتعجبكم اكتر عشان لحنها جميل جدا بردو

Anonymous said...

تقبلي مروري

Anonymous said...

طبعا اغنيه معروفه
وجميله كمان
كنت بحب اسمعها زمان
يسلم اختيارك يا جوجو
تحياتى

حلمى البعيد said...

بهدوء
ياااااااااااه لو كلنا نتفاهم بهدوء
كل شئ هينحل
ومحدش هيكره أو يشيل في نفسه شئ من حد
تسلمى على إختياراتك الجميله يا قمر
تسلميلي

لــــ زهــــــراء ــــولا said...

جوجو

عارفه الاغنيه دى وكنت باحبها زى اغانى كتير من كلمات الشاعر عبد الوهاب محمد وغناء لطيفه
وبما ان االاغنيه قديمه شويه ومع التطور الطبيعى للحاجه الساقعه يوووووووووه اقصد للزمن مافيش حاجه دلوقتى تيجى بهدوء لاننا فى عصر غريب عجيب ومش هاقولك ان الزمن السبب فى كده لكن احنا البشر مسئولين اولا واخيرا عما يحدث
مش بقى فى هدوء فى العتاب لكن بقى صوت عالى ... تلقيح بالكلام وماحدش عاوز يتعاتب ولو بداتى واتكملتى بهدء هتلاقى مية لسان بصوت عالى يقولك اصل صوت الحق دايما عالى

امنياتى لكى ان تعيشى فى هدووووووووء

زهراء

ليس فقيرا من يحب said...

جوجوووو حبيبتى

ازيك يا لمضه وازى اخبارك

حلوة اووى اختيارك حلوة اووووووووى

ياااااارب تكونى بالف خير والعيال وابوهم

وحشتووووووووووووووووووووووووووووونى

جايدا العزيزي said...

اولا وحشانى موووووووووت

طال غيابك ليه ياقاسيه

ثانيا قد ايه الكلامات رائعه

وحقيقه بتحصل لينا دايما

الله على احساسك يا قلبى

اشكرك

تحياتى

لــــ زهــــــراء ــــولا said...

بهدوء نفسى نتفاهم سوا بهدوء ونروق ونفوق على احلى حقيقه نفوق

واحكيلك كل اللى ما قولتوش ....... ولا حستهوش ناحيه مخلوق

بهدوء نفسى نتفاهم سوا بهدوء

انت وبس انت اللى بدوب فيه والحب اللى مقدرش اداريه

ولا يمكن اعيش ابدا غير بيك

" جميلة جدا يا جوجو هي من تأليفك ولا دي اغنية للطيفة؟ لو من تاليفك تبقى استاذة يسلم ذوقك الحلو"
لولا

باحث عن حب said...

جوجو
فينك
اخيرا
جيتى
ابداع
جميله
جدا
يا جوجو

همس الاحباب said...

تسلم الاختيارات يا باشا
الكلمات جميلة طبعا
والاغنية بصوت لطيفة رائعة جدا
رجعتينا لبداية التسعينات وايام الثانوى ومعاكسة بنت الجيران كانت ايام وعدت
كل سنة وانتى طيبة واسرتك الكريمة بخير
تحياتى

Elsayed Azab said...

ايه الجمال ده ..

أجمل حاجة بجد ممكن نقول رسسمك للمشاعر بالكلمات ..

موفقة دائما يا جوجو ..

وسعيد جدا كل ما بقرألك كل جديد ..

eng_semsem said...

هي طبعا لازم تتقري بهدوء ويا سلام لو نسمع الاغنيه ونطفي النور ياريت في وقت للهدوء بقينا بنجري كلنا ورا بعض ياريت نصبر شويه واكيد هنلاقي الحل انما هي مش بتصبر وهو مش فاضي وحل مشاكلنا يا قاضي
تقبلي تحياتي بهدوء

فشكووول said...

ازيك يا جوجو هانم
ما هو بهدوء تعالى نتفاهم ونشرح لبعض

اصل انا مش فاهم حاجه ... اشرحى ليى بقى ايه الموضوع ... بهدوووووء

تحياتى

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us

همسات وبحــ الحياه ــر said...

كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا

بعتذر عن تقصيرى معاكم

محمد التركى said...

السلامو عليكم
اختى الغاليه
جوجو
والله وحشتنى المدونه الجميله دى
اتحرمت منها
سامحينى بقى كنت ناوى ارحل بس ناس كتير بستفت كرامتى وظبطتنى زى حالاتك كده
طبعا انا مقدرش ابعد عن اجمل ناس بحبهم
بس هى النفسيه بس عايزه شويه تظبيط
بهدوء نفسى اتفاهم مع نفسى بهدوء
اه والله

كل سنه وانتى ونادر واولادك وكل احبابك بخير يارب
سنه هجريه سعيده عليكم وعلى امه محمد

انا بشكرك بجد على تعليقك ونصيحك ليا بجد انتى اخت واخت غاليه
انا سعيد بمعرفتك

تحياتى لقلبك الكريم

محمـــدالتركـــى

Ramy said...

أيه يا جوجو أزيك
و أزى أستاذ نادر

الكومنت دة

للبوست الجديد
ليه شيله التعليق

لو كان حب لن يدمرها

و لكن هذا ليس حب

لأن الحب حتى لو منجحش لا يدمر

ممكن تكون وجهة نظرى مش عارف صح و لا غلط

أسف بقالى فترة مش متابع بس مش متابع الناس كلها

بس هبتدى أرجع شوية شوية (:

سلام و ربنا معاكى

Unknown said...

تسلم ايديكى الخاطرة ولا اروع بجد كنت عاوزة اعلق على البوست اللى بعد ده بس مش عارفه بس بجد كلماتو بسيطه لكن معناها كبير اوى تقبلي مرورى...منه