2010-10-19

خيانه رمضانيه



حسبى الله ونعمه الوكيل
بجد

خرجت من بيتها ليله رؤيه رمضان كعادتها كل سنه لتقضى اول وثانى يوم رمضان
مع اهلها كالعاده يعنى .....  ولسفر زوجها المفاجىء اول ايام رمضان
وطبعاً كداب وغشاش ومنافق وعايز ضرب النار فى ميدان عام

ولكن يشاء القدر بأن يكشف الاعيب الزوج الخائن

(اللى مش يعرف ربنا ولا يعرف معنى رمضان ولا عنده ذرة ايمان فى قلبه)

ولا مقدر ما معنى الزواج والبيت والجو الاسرى الجميل ابدا فنسى هذا الرجل القاسى
زوجته واولاده ولا يفكر سوى اغراضه الشنيعه وغرائزة السافله مثله لا يفكر ابدا
ماذا يفعل وما هو عقاب ربنا سبحانه وتعالى ولا يعرف ايضا ان هذا الفعل الشنيع يهتز
به عرش الله سبحانه وتعالى

المهم
رجعت الزوجه المخدوعه الى بيتها لتدق باب جارتها قبل ان تفتح باب شقتها
وبعد السلام والكلام   وهى تتحدث الى جارتها وتستمر فى الطلوع الى شقتها
لتجد مفتاح الشقه من الخارج  وتصرخ وتقول لجارتها معقول محمد نسى مفتاح الشقه
فى الباب  ترد جارتها وتقول الحقيقه مش عارفه بس معقول ده ممكن يحصل

المهم طلعت وفتحت الباب ودخلت شقتها لتجد كركبه غريبه فى البيت ولا تجد بعض الاجهزة
الكهربائيه الخفيفه بأمكانها فتصرخ الزوجه وتجرى الى غرفه النوم مصدومه   لتجد زوجها
نائم ولا يدرى بما فُعل بالشقه وتائهه ً وغائب عن الوعى تماما ولترى بعض الملابس متبعثرة
ولكنها لم تفكر بأى شىء ابدا سوى سرقه شقتها ومن فعل هذا

فكان رد فعل الزوجه طبيعى جدا بأن تصرخ وتذيد من صراخها  وتقول الحقونى يا ناس
انا شقتى اتسرقت  اتسرقنا اتسرقنا وكل ده وزوجها لم يدرى ابدا
طبعا يا حيله هتدرى ازاى وانت متنيل وواخد كميه مخدر تهد جبل وكمان شارب لما مولع
زى ما هتولع كده ان شاء الله فى نار جهنم

المهم اتلمو الناس وقالو احنا فعلا شوفنا واحد نازله من فوق ومعاها كذا كذا وكان فى عربيه منتظراها
برة ولما الزوجه سألت مين دى وازاى محدش يسألها هى واخده الحاجات دى منين وراحه فين
الرد الطبيعى طبعا من الناس ان البنت دى كانت طالعه مع  محمد زوج حضرتك الساعه 3 صباحاً
ونزلت الساعه 12 بعد الظهر ........... !!!!!

فأكتشفت الزوجه انها مش سرقه وبس دى كمان خيانه وفى عز النهار وفى ايام  رمضان يعنى
بجاحه بعدها وقاحه
وبعد طبعا ما كل الناس شمتو لانهم عارفين جوزها وخياناته المتعدده بقى كل واحد يا حرام
بكلمه للزوجه المخدوعه الغلبانه وهى مش فاهمه حاجه وطبعا تايهه وكأنها فى حلم مزعج

واكتر حاجه تهز الست وتدمرها لو اكتشفت خيانه زوجها وطبعا الراجل نفس الكلام بس ذياده
على كل ده انه بيتجرح فى رجولته اكتر من الزوجه وممكن تنتهى بالقتل كالمعتاد

المهم

بعد ان افاق الزوج لا ادرى ماذا فعل بينهم غير انها طلبت الطلاق
وهذا هو اقل حقوقها كزوجه ولا يصح التدخل فيما لا يعنينا ابدا لتهدء نفوسهم
فهو زوج خائن وهى زوجه مخدوعه
وربنا يكون فى عونها بجد

قصه من واقع الحياه ولكنها مؤلمه جدا ومؤثرة جدا

موصيبه من مصايب الدنيا
الطف بينا يا رب

45 comments:

صيدلانيه طالعه نازله said...

ان لم تستح فاصنع ما شئت
هو ده الرد اللى ممكن يتقال فى موقف زى ده
الخيانه مرفوضه سواء فى رمضان او غيره
بس فى ايام رمضان صعبه اوووووى
الشهر ده له كرامه و طهر المطلوب نحافظ عليهم
ربنا يستر علينا جميعا و يصبر الزوجه دى

الحب الجميل said...

قصة مؤلمة بالفعل ومن حقها طبعا طلب الطلاق
هو كدا مقدرش يحافظ عليها ولا على اولادة
وطالما الخيانة بتجرى فى دمه فمعتقدش انة ينفع تستمر حياتهم بالشكل دا
فعلا مصيبه من مصايب الدنيا
والدنيا ياما فيها
وربنا يكون فى عونها وعون اى واحدة زيها
وحشانى يا جوجو
مختفية ليه ؟؟

فاتيما said...

ازيك يا جوجو
يا ما عيون يتضحك

بصى انا يمكن هقول كلام غريب شوية
بس دى قناعتى الشخصية
و كل واحد له دماغه و طريقة تفكيره

انا شايفة ان صاحبة الحكاية
اولى بيها تحافظ على بيتها
اللى على وشك يتهد دا
حتى لو كان السبب الخيانة

كلنا بنغلط
و الغلط اشكال و درجات
فيه غلطات ابشع من الخيانة
لو سألتينى
المهم الزوج دا
بعد لحظة الضعف و الغدر دى
سلوكه عامل ازاى ؟
عاوز يلم الحكاية
و لا بيتبجح .ززى ما ساعات يحصل ؟!
اولا هوه انفضح على كل المستويات
بين اهله و جيرانه
و طبعا قصاد مراته قبلهم
فخلاص
انكسر شىء
و هياخد وقت لحد ما ينتصلح
هتقوليلى اللى انكسر ما يتصلحش ؟
هقولك المثل دا
مش بينطبق على كل شىء
و العلاقات الانسانية فيها مرونة
ما دامت خاضعة للمشاعر و الحسابات بتاعة العقل كمان


انا لو من صاحبة القصة
ابعد و ادى روحى فرصة
للهدوء و التقاط الانفاس
و محاولة نسيان ما حدث
و لحين اشعار آخر
مترجعش
الا لما
الزوج يتغير

يتغير يعنى يبدى ندمه
و يتعهد بالتغيير
و دى حاجة اى ست قادرة تعرفها
و لو بمرور الوقت .زمش ف الاول

انا دايما من انصار
الفرصة التانية

لو حد قادر ميقفلش باب الرحمة
ف وش حد تانى
يا ريت ميترددش

لو قدر
انا عارفة ان كل واحد له قدرات
و امكانات
و احتمالات للصبر مختلفة

بس الوقت يا حبيبتى
كفيل بتهدئة اشد العواصف زوبعة

خصوصا لو فيه عشرة
و اولاد
و بيت مفتوح
و يمكن حب كمان
جمع بينهم ف يوم

و اذا مكناش هندى تسهيلات
لأقرب الناس
هنديها لمين

عجبتنى قوى حكاية الخيانة الرمضانية دى
زى الخيمة الرمضانية كدا ؟!!

الدنيا مليانة عجايب بجد

و ربنا يصلح الاحوال

خالص حبى ليكى

يوميات شحات said...

شكرا على البوست

richardCatheart said...

هى فرقت خيانه فى رمضان وخيانه فى غير رمضان
هو ربنا بس حب يبينلها مدى وسخته علشان تجيب من الاخر

تبقى حيوانه لو فضلت معه

كلب وراح وراح كلب يجى سبع

Ramy said...

مش عارف أزاى اللى بيخون دة

بيخون أزاى حد هو المفروض اقرب ليه من نفسه

و كمان الخيانة فى وقت المفروض انه بيحاول يقرب فيه من ربنا

خلاص يعنى

دة انسان صعب يكون عاقل أو واعى او عندة نخوة اساسا

موضوع الخيانة موضوع كبير قوى

أكبر من يتحكى فى كومنت واحد بس الحالة دى حالة اقل ما يتقال عنها انها قاسية على زوجته

لأنها مخدوعة و الناس من كلامك عارفيين من زمان

ربنا يصبرها و يكون مع اولادهم

ربنا يبعد عننا الناس اللى زى كدة يا رب

لـــولا وزهـــراء said...

جـــوجـو

الخيانه ليس لها ميعاد واللى اعتاد عليها مش بيفرق احنا فى رمضان او شوال لان اللى فيه طبع وحش او حلو مش بتغير بتغير الزمان او المكان
الحكايه ممكت تتكرر عادى لاننا عايشين مع بشر مش مع ملايكه ورغم تعدد وجوه الخيانه لكنها فى النهايه تبقى خيانه


زهراء

حلم بيعافر said...

كل حى منه لله بقى وخلاص

ألوان said...

ماذا يتوقع من رجل خان الله أولا
لا نتوقع منه غير هذا الفعل المقزز
يارب يعفو عنا

eng_semsem said...

انا مش بدافع عن الراجل ومش هقول انه صح
بس انا شايف ان الراجل اللي ده عاده عنده اولا صعب انه يتجوز ثانيا ده حاجه مش بتستخبى وبعدين اكتشقت فجاه انه بيشرب مخدرات وجيرانها كلهم عارفين وهي لا وعنده الجراه انه يجيبها البيت اسمحيلي لا ده كتير قوي وفي نهار رمضان معقوله اكتشفت كل ده فجاه

Darsh Basha said...

أحم احم

درش وصل .. اول ما يوصل كدة
يوصل على خيانة

يالا يا ما فى الدنيا بلاوى
هح

محمود(باحث عن حب) said...

السلالام عليكم
اولا
انا من رأى
فاتيما


ثانيا
العقل والمنطق
والعفو
افضل
الاشياء

همسات وبحــ الحياه ــر said...

حسيى الله ونعم الوكيل
فى اى زوج بالمنظر دا
علفكرة فيها شبهه كبير اوى من احداث قصتى
مش عارفه اقولك ايه
نفسى كل زاحده لماتتيجى تختار تختار زوج بعقل مش زوج والسلام عشان متاخدش لقب عانس
اما بقى بالنسبه للزوج فربنا هينتقم منه
يمهل ولا يهمل

mrmr said...

قصه مؤلمه حقا
ومصيبه بتكرر كتير
لكن ماذا ينتفع الانسان لو ربح العالم كله وخسر نفسه
ربنا يرحمنا ويهدى عبيده

جايدا العزيزي said...

ان اصعب شئ على الزوجه هى خيانه الزوج

انها طعنه فى الصميم بخنجر مسموم

لا دواء لها ولا شفاء منها

مؤلمه القصه ولكنها رائعه غاليتى

دمتى متالقه

اشكرك

تحياتى

عمرو يسرى said...

يعنى مش عارف اقول ايه يعنى فى نهار رمضان المفروض ان الواحد بيصوم عن الحلال فهو بيعمل الحرام
طبعا مش هقول وبيخونها فى شقتها كمان
لانه لم يستحى من الله هيستحى منها

خواطري مع الحياة said...

السلام عليكم
استغفر الله في عز رمضان وكمان في النهار
ايه من قبر هيسع هذا الرجال
ربنا يكون في عونها
تقبلي مروري
سلامي ليكي

همس الاحباب said...

لا حول ولا قوة الا بالله
الخيانة بكل صورها بشعة والخيانة مقترنة بفضيحة ابشع من البشاعة ولكن الكل مخطىء الزوج والزوجة ايضا وهنالك اسباب خفية لا يعلمها الا الله
وربنا منتقم جبار
تحياتى

حلمى البعيد said...

جوجو
إزيك يا قمر
معلش ع التأخير
ربنا يكون في عونها وحسبنا الله ونعم الوكيل فيه وفي كل ظالم
أنا إتعكننت عشانها
لو أنا مكانها والله لكنت...بلاش بقي
ربنا يلطف بينا جميعا
بعدنا عن دينيا يعمل أكتر من كده

المجهول said...

الخيانة هي الشيء الوحيد الذي لا يغتفر أبدا

gogo!sf said...

صيدلانيه طالعه نازله

والله يا علا عدم الاستحى ليس له علاقه بالخيانه ولا بالجراءة
اللى عايز يعمل حاجه هيعملها مهما كان موقفه من الخجل
دى رغبه جواه هو وبس

وطبعا الخيانه مرفوضه بدون مناقشه لكن تعتقدى ان شخص بتجرى فى دمه الخيانه
هيختار المكان او الزمان
ليس لرغبته موعد يتفق عليه فهو ليس قادراً على التحكم بها

اللهم امين يارب يصبرها على ما بلاها

نورتينى يا دكتور جدا

gogo!sf said...

الحب الجميل

اكيد مؤلمه طبعا واوى كمان اكتر حاجه بتقتل الست يا ايمو وحتى الراجل كمان
بجد ربنا يعينها على موصيبتها
وبعدين ده واحد مش بيفكر غير فى نفسه واللى بيفكر فى الخيانه عمرة ما بيفكر لا فى بيت ولا فى اولاد خالص
دائما عرائزة ما تتحكم به
والله اعلم باللى بينهم بس حتى لو افترضنا انها مريضه
له حق الزواج من اخرى وبالاتفاق بينهم انما يجرحها ويقتلها فى انوثتها بالشكل المؤلم ده
حرام
ربنا يعاقبه اشد العقاب بجد
وانتى كمان وحشانى موت
انا لا مختفيه ولا حاجه انا موجوده اهو يا لولو

نورتينى كتير يا ايمو

gogo!sf said...

فاتيما

الحمد لله يا فاتيما انتى خليتى ناس كتير اوى يصدقو ان عيونى بتضحك
انتى بس اللى شيفاها كده عشان انتى انسانه جميله وكلك مشاعر رقيقه
بجد ربنا يخليكى يا قمر

شوفى يا فاتيما انا زوجه ومن وجه نظرى ان من الممكن ان احافظ على بيتى من اى شىء مهما كان
الا انى اشوف خيانه امام عينى
بجد ربنا لايقد ولا يكون انا لو مكانها اعوذ بالله هطلب الطلاق اولا ثم اقتله ثانياً
بعد اما اكون مش على زمته لانى وقتها مش هيشرفنى انى اكون ارمله شخص خاين
واقولك على حاجه كمان الخيانه واحده سواء فى بيتى او برة بيتى لكن الاسوء ان جبروتك يخليك تخونى فى عش الزوجيه وفى غرفه نومى وعلى سريرى اللى بيجمعنا دائما سوا
دى وحدها تكفى انى اقتله الف مرة وشيطانى يخلينى افكر بردة انى ارد له القلم بالشك فقط
ده لانى انا اخلاقى مش هتسمح لى ان اخليه يدوق طعم الجرح اللى جرحهولى فوقتها هكتفى بانه يشك ويتعذب ويتالم ويتجرح فى رجولته
بصى ابقى كذابه لو قولت انى اعرف رد فعله ومن جهه الفضيحه فهو اتفضح بكل المقايس ده كفايه انى نزلتلو جريمته ع النت وفضحت اللى جابوة بس مش بعتقد ان الاشكال دى بتتحرج اصلا لانها مش اول مرة طبعاً
وده لو كان خايف على بيته من الخراب كان خاف ربنا اولا انما من الواضح انه مستبيع وبايع بيته ومراته واولاده
يا تيما فى الخيانه بتنعدم المشاعر والاحاسيس الانسانيه صدقينى
الست مش بتشوف اى حاجه ادامها غير جرحها والطعنه اللى جتلها من اقرب واحب الناس لها
وبعدين يا فاتيما ده كفايه الكمبيوتر اللى اتسرق ده اهرنى انا شخصياً
واحد من الوسط الفنى تفتكرى هيجيب جهاز شكله ايه يعنى اسكوتى يا اختى اسكوتى

بجد ربنا يعنيها ويقويها ويقدرها على لم المشكله اذا كانت عندها التسامح فى قلبها اتجاه

اى خدمه انا قولت بس افكركم بالخيم الرمضانيه اللى فلتت منى رمضان اللى فات

منورانى يا فاتيما

وبجد سعيده بالتعليق جدا وبالمناقشه الحارة دى

نورتينى يا قمر

gogo!sf said...

يوميات شحات

ميرسيه ربنا يخليك
ويبعد عنك كل شر يارب

gogo!sf said...

richardCatheart


فعلا والله عندك حق الخيانه لا تعنى غير خيانه
لكن حتى لو افترضنا انك خيان وحقير استحى حتى ايام رمضان
الشهر الكريم اللى الناس بتغسل فى ذنوبها وبتصوم وبتوب عن كل حاجه
مش بترضى ربنا

هو فعلا انسان سافل وواطى والله

وهى تبقى غلطانه الف مرة لو فضلت على ذمته

ديل الكلب عمرة ما يتعدل


تحياتى لاجرء تعليق يا قمر

نورتينى والله يا قمر

gogo!sf said...

Ramy
اه والله يا رامى هو فعلا بيكون انسان مريض وعنده نقص فى رجولته
وبيحب دايما يثبت لنفسه انه راجل بعلاقاته المتعدده
ده انسان فعلا مش عاقل

ورمضان اللى الناس كلها بتكون قريبه من ربنا اوى فيه

وكمان هو مش فاهم ان داين تدان زى ما هو عمل ده هيترد له فى اقرب الناس ليه
ربنا مش بيسيب حق حد ابدا

اكيد طبعا الخيانه شىء فظيع جدا جدا وصعب انها تكون رد فى كلمتين وبس

وبجد ربنا يكون فى عونها لانها عاشت مع حقير طول الفترة دى وخسارة انه يتقال عليه
انسان

يارب يا رامى يبعد عنا كل شر

ربنا يسعدك دايما يا رامى

منورنى دايما يا جميل

miroooo said...

الخيانه دى اصعب شىء فى الدنيا
ربنا يصبرها يارب
تسلم ايدك يا جوجو

محمد التركى said...

السلامو عليكم
طبعا طبعا متأخر زى عادتى
معلش سامحينى ياجوجو
أنتى عارفه غصب عنى الشغل والسفر الكتير
ادعيلى

المهم ايه ياستى المأساه المنيله بستين نيله ديه
ياخبر مطين بمليون طينه
ياعنى خاين وبجح ومعندوش دم
ماشى
لكن فى نهار رمضان كمان
طيب ماشى هيولع زياده حبتين شويه
لكن بقى خلاص ضاقت بيه الدنيا جايب واحده تقلبه وتفضح امره
اهو ده بقى اللى مش ممكن ابدا
ههههههههههه

لالالا بجد قصه حقيقيه الله يكون فى عون الزوجه ديه
ياعنى موته وخراب ديار
طبعآ ديه تطلق احسن
لمره تيجى فى يوم وتشوف بعنيها الى يخليها تكره الدنيا اكتر ماهى كرهاها
ولو اقتلته هتتعدم

طيب على ايه ترميه فى ستين دهيه
وربنا يقف جنبها ويعوضها خير عن الزل والهوان ده

قصه توجع القلب
والنبى ياجوجو حاجه كده خفيفه حب كده من بوستاتك الجميله
سيبك من النكد والنبى الدنيا ماهى نقصه
ههههههههه

ماشى ياستى
يارب تكونى بخير انتى واولادك ونادر يارب
سلام خاص جدا جدا جدا لنادر

تحياتى لقلبك الطيب الجميل

محمـــد التركـــى

gogo!sf said...

لـــولا وزهـــراء

طبعا الخيانه عمرها ما اتوضع لها مواعيد
لكن يا زهراء الواحد بيتكلم على شهر رمضان
حتى لو افترضنا ان الخيانه فى طبعك ومش بتقدر تقاوم
يا شيخ اعمل حساب للشهر الكريم

انا عارفه انها بتتكرر كل يوم مليون مرة لكن السمع غير الشوف يا استاذه
وانا من الناس اللى بتصدم جدا لما اعرف حاجه عن حد انا اعرفه حتى لو معرفتى بيه سطحيه
بحس انى مش مستوعبه حاجه خالص ومخى بيتوقف عن كل حاجه
مش عارفه ليه
يعنى الخيانه برغم انها كبيرة اوى الا انها فى نفس الوقت اصبحت شىء تافهه جدا
من كتر تكرارها بقيتى تسمعى كتير اوى ان خراب البيوت بتذيد نسبته ولو دورنا هنلاقى
الاكتر بسبب الخيانات الزوجيه الله اما احفظنا يارب

ربنا يبعد عنا كل شر

ويلطف بعابيدو ويهدي كل عاصى اللهم امين يارب

نورتينى يا قمر

gogo!sf said...

حلم بيعافر

يارب

وحسبى الله ونعمه الوكيل

شكرا على الزيارة الجميله


نورتنى جدا يا افندم

gogo!sf said...

الوان

عندك حق والله اذا كان هو مش خاف ربنا هيخاف من الناس
او حتى يعمل حساب لزوجته ولا يحافظ على بيته

ربنا يحفظنا اللهم امين

نورتينى يا قمر

gogo!sf said...

eng_semsem

والله الموضوع احيانا بيكون اكبر من كده لكن لما هى تكتشف
ان جوزها خانها وفى بيتها وعرفت انه بيشرب مخدرات ومنكر
وهو زفت اوى كده وهى مش كانت تعرف فأكيد ده راجل عنده نقص من حاجات كتير جدا
واولها انه خبى على مراته انه بيتعاطى اى حاجه عشان عارف اكيد
انها هترفض وهتحاول تنصحه فهو ريح دماغه ومش قال اصلا والله اعلم بلى بينهم
اكيد بينهم كتير جدا جدا
شوف يا اسامه هو من جهت كتير فهو كتير جدا وعنده جراءة مش على حد وربنا
بس اقولك على حاجه الانسان اللى بيكون كده لازم يكون حد فى بيته زيه بالظبط
وبس

نورتنى يا سمسم جدا

gogo!sf said...

Darsh Basha


اهلا اهلا يا باشا نورت الدنيا كلها والله

ههههههههههههههههههه
نعمل ايه بقى انت اللى دايما تيجى على الغدر
مش تيجى على اغنيه حلوة كده ولا كلمتين حلوين زيك
بس هتعمل ايه بقى استحمل هو كده

طبعا هو فى بلاوى اكتر من اللى بتشوفو منى هههههههههههههه

انت لسه شوفت حاجه يا درش ههههههههههههههه

معلشى بجد يا قمر سامحنى بس وعد انا مش هنزل حاجه زى كده تانى خالص
اصل انا اعصابى بتتعب للناس مش عارفه ليه كده بس

نورتنى يا جميل جدا جدا

gogo!sf said...

محمود(باحث عن حب)

وعليكم السلام يا ريس

الخيانه يا حودا بتطير العقل وكل حاجه فى الدنيا
ومش بيفضل غير جرح عميق اوى اوى

منورنى يا جميل

gogo!sf said...

همسات وبحــ الحياه ــر


الف مرة مش كفايه عليه والله

رنا يكون فى عونك يا حبيبتى
بس الخيانه مش ليها علاقه بلاختيار
اوقات بتكون لحظات ضعف وغير متكررة
مش تعتبرى ردى تبرير ابدا
انا بقول اوقات بس فى الاخر اسمها خيانه
واللى بيخون .. بيخون ربنا قبل ما
بيخون اللى معاشرة


ربنا المنتقم الجبار
يارب يعوض صبرك خير ويسعد قلبك يا رب يا قمر

نورتينى كتير دا

gogo!sf said...

mrmr

لا ينتفع بشىء طبعا يا مرمر
مهو خسر اهم حاجه

ربنا يبعد عنا كل شر يارب

ويسعد قلبك دايما يا ام قلب ابيض انتى
يا رورو


نورتينى جدا يا قمر

gogo!sf said...

جايدا العزيزى

فعلا اسوء شى فى الدنيا هى الخيانه وخاصتاً الخيانه الزوجيه لا تغتفر ابدا

احساس الزوجه بيكون فظيع جدا
بتحس انها اتذبحت بسكين بارد

ربنا يسترها علينا جميعا
ويحفظنا من كل شر
اللهم امين يارب

نورتينى يا جودى

gogo!sf said...

عمرو يسرى

هو فعلا الواحد بقى مش عارف يرد والله وهو بيسمع
قصه غريبه وجريئه جدا جدا

عندك حق يا عمرو هو اصلا مش خاف ربنا يبقى هيخاف منها ولا من الناس

ربنا يعفو عنا
ويحفظنا من شر انفسنا

ربنا يهدى يا رب

نورتنى يا قمر

gogo!sf said...

خواطرى مع الحياه

وعليكم السلام ورحمه الله

الله اعلم يا رشا بجد هو شىء مقزز جدا
والله يتعب بجاحته والجديد بقى اللى عرفته امبارح
هطلها ورد الفعل الغريب

والله الدنيا مليانه بلاوى
ربنا يلطف بينا

نورتينى يا قمر

gogo!sf said...

همس الاحباب

اكيد يا خالد وده اثبتلى ان فى حاجه مش طبيعيه
بعد اما سمعت امبارح رد فعل الزوجه بجد غريب جدا
انا والله اتصدمت وضحكت فى نفس الوقت

ناس عقولها غابت عنها خالص

ربنا يسترها علينا جميعا

وانت ازيك يا قمر

يارب تكون بخير دايماً

نورتنى جدا يا خالد باشا

gogo!sf said...

حلمى البعيد

الحمد لله يا مونى
ولا يهمك يا قمر
انتى تيجى فى اى وقت يا امانى

يارب يعنها ويعنى انا كمان من البت الغريبه دى وربنا ده انا
كنت هموت لما عرفت لالالالالالالالالالالالا
اوعى تعملى حاجه خليكى كلاس زيها يا بنتى
واحنا هنحرق دمنا ليه عشانها

اصل هى دلوقتى تقريبا فاقت ونسيت ولا ايه

هدى نفسك يا قمر هما دول البنات الجدعان اللى دمهم يتحر عشان الناس

ربنا يلطف بينا جميعا

نورتينى يا مونى جدا

gogo!sf said...

المجهول

طبعا عندك حق جدا وخصوصا الخيانه الزوجيه

ربنا يبعد عنا كل شر

ميرسيه على الزيارة الجميله

gogo!sf said...

Miroooo




طبعا يا ميرو واصعب من الصعب كمان
احساس فظيع لما تيجى الطعنه من اقرب الناس

الزوج اللى لكل زوجه بتعتبرة اقرب لها من نفسها

ربنا يعنها ويقويها يارب

gogo!sf said...

محمد التركى

وعليكم السلام

ماشى يا محمد مع انى زعلانه منك بس يلا زى بعضه
والزعل ده مش ليه اى علاقه بالتاخير خالص
هههههههههههههههههه

ربنا يعينك يارب انا عارفه والله ربنا يقويك ويوفقك اللهم امين يا محمد

انت تيجى فى اى وقت يا مان براحتك يا ريس

ايوة يا سيدى هههههههههههههههههههه
منيله بستين نيله ايوة انا عارفه والله

مهو انت هتنتظر ايه من واحد خاين وبجح وكذاب
معتقدش ان فى صفات سيئه اكتر من كده تتقال
لاء وفوق كده مش عنده دم

هو من جهت هيولع فهيولع
ههههههههههههههههههههههههههه
اه فى بيتها تخيل بجاحتو ربنا مش بيسيب
لاء والمعفن مش ينقى حد عدل لاء دى حراميه كمان
ههههههههههههههههههه

ده جزاء الله بيخون ربنا ومش بيخافه ربنا بس حب يكشفه
ويخليه يتقى ربه فى بيته وعياله
واكيد لو فكر يعمل ده تانى هيكون جزائه مرض اعوذ بالله
مش يشفى منه ابدا

ويحمد ربنا اذا ده حصل لانه ربنا هيكون بيخلص شويه من ذنوبه
فى الدنيا عشان هيبقى واضح ان سيئاته كترت اوى

ربنا يسترها يا رب يا محمد

ماشى خلاص ههههههههههههههههه
هنزلك بوست حالا اصل انا كارهه ادخل على المدونه بسبب الخيانه اللى
الرمضانيه دى انا اصلا ارفانه منها وربنا ههههههههههه

الحمد لله يا قمر كلنا بخير والحمد لله

نورتنى يا تركى جدا جدا

الشنكوتي الكبير said...

يعني هو خانها
وفي شقتهم
واتنيل حشش ولا بلبع معرفش ايه
والبنت كمان قلبتهم وهربت
وكل ده في نهار رمضان

ايه النصيبه دي
احنا نستناه بره وناكله علقه كلنا
طبعا هو غلطان من كل الجهات وعايز ضرب الشبشب بس سؤال ايه اللي بيخلي الراجل يخون هل الموضوع طفاسه منه بس ولا غباء ولا قلة تربيه ولا انعدام الوازع الديني

في رايي ان اهم سبب ان مفيش خوف من ربنا حقيقي جواه
مفيش التزام ولو مبدئي بأساسات الدين ولو سألت نفسها الزوجه المخدوعه وهي بتوافق على اختيار شريك حياتها هل الدين في حياته مهم قد ايه ولا هي كمان مسالتش السؤال ده وبصت لمميزات تانيه
انا عارف انها خدت قلم كبير قوي واتظلمت لكن غلطتها كانت في اختيارها الناس بطلت تهتم بتدين العريس المهم انه عريس وخلاص وبعد كده بيرجعوا يستغربوا
مش بقول هتلاقي عريس ملتزم وعمره ما بيغلط لكن الغلط ليه حدود
وربنا يهدينا كلنا

سلاااااااااااااااااااااااااااام