2010-09-19

اعتذار واجب


بعتذر فى البدايه عن الاسلوب فى الكتابه وعن اكيد اى غلطه
عشان انا مش هكون مركزة كويس وانا بكتب الموضوع ده
وحتى مش هفكر انا عايزة اقول ايه انا هكتب اللى فى قلبى
واحساسى فى هذه اللحظه

طبعا حاجه غريبه جدا انى اكتب موضوع بالاسلوب ده او حتى اتكلم على
شخص معين بالطريقه دى لانها مش اخلاقى ولا حتى طبعى ولا اسلوبى
 اطلاقاً ومعتقدش انى فى يوم ضايقت حد او حتى حصل طاتش بينى وبين
اى شخص سواء على المدونه او الفيس بوك واكيد كل الناس عارفه ده
 كويس اوى

الموضوع الاساسى انك لو فى شخص معين انت بتحترمه اوى وبتقدرة جدا
  جدا وبدون اى سبب وجهه  اهانه ليك  ايه يكون رد فعلك برغم انها مش اهانه
بالمعنى لكن الاسلوب فى الرد كان سخيف جدا وغير لائق لشخصيتى!
 وانا اعتبرتها اهانه لشخصى

المشكله  بقى ان  الشخص غريب الطبع ده انا عمرى ما اتكلمت معاه باى اسلوب
 مش لائق عشان هو يسمح لنفسه ويتكلم معايا بطريقه مستفذه وسخيفه زيه
وبجد انا اول مرة فى حياتى من اول ما اتولدت لحد ما دلوقتى  محصلش معايا اى
موقف مستفذ ولا مهين لشخصيتى من اى شخص خلقو ربنا
عشان انا عمرى ما اهانت حد عشان تترد لى وهفضل كده لحد ما اموت
لا اهين حد ولا حد يجروء يضايقنى 

بجد انا عايزة اقولك انك فعلا نزلت من نظرى جدا وعمرى
ما كنت اتخيل ان شخصيتك غير ما توقعتها بالعكس انا كنت فاكرة انى مش مديالك حقك
فى تقديرى لشخصيه حضرتك بس مع الاسف لاول مرة تطلع نظرتى غلط فى حد
وكمان انا ما ضفتكش انت اللى ضفتينى وانا مش بضيف حد خالص
حتى الفيس بوك عمرى ما ضفت حد غير ناس معينين بس واعرفهم وعارفه وواثقه انهم محترمين جدا  ومش دايما كمان بعمل ده قليل جدا جدا

معتقدتش انى اتكلمت مع حد بأسلوب مستفذ او ضايقت حد ولا حتى اتعديت حدودى مع اى حد ولا حد بردو تعدى حدوده معايا بالعكس كل الناس اللى انا اعرفهم هنا محترمين جدا وانا بجد بقدركم كلكم وبعتذر لكل حد انا ممكن اكون ضايقته غظب عنى

وبعتذر طبعاً عشان انا هحدد ناس معينين اللى هيدخلو على المدونه وطبعاً الناس اللى ايميلاتهم موجوده معايا وكمان اللى غيرايميلو ويحب يسيب الميل الجديد اهلا وسهلا بيه طبعاً واى حد يحب يشرفنى بردو اهلا وسهلا بيه واكيد هيكون تعليقه اللى فى الايميل ممنوع من النشر
وشكراً للجميع وبعتذر على البوست السخيف ده

34 comments:

الحب الجميل said...

جوجو
صباح الخير
مالك بس ايه اللى زعلك
افتحى الياهو او السكاى نتكلم لو موجوده دلوقت
معاش اللى يزعلك يا جميل
مستنياكى

جايدا العزيزي said...

عارفه ياقلبى

حصلى تقريبا نفس الموقف

اول ما دخلت التدوين

واحد الله يسامحه كان بيدخل بوش مزيف

بيقول قال الله والرسول

وضاف نفسهفى المتابعين عندى

وبعتلى اضافه انا طبعا رفضتها

واعتزرت بذوق انى لا اقبل اضافه اى شخص على اميلى

فانا زوجه وام وزوجى يمانع ويتابع

كل ما اكتب وكل التعليقات

وبعد ردى كانى فتحت على نفسى النار

بدء ينتقد اعمالى

ويكتب فى التعليقات كلام لا يناسب شخصيته

وحزف نفسه من المتابعين وحزف اسم مدونتى من عنده

تصدقى فيه انسان عاقل يعمل كدة

عارفه جالى كام اضافه على الميل

وكام طلب صداقه على الفيسبوك

واعتقد ان الفيس بوك ما دخلتوش غير يوم التسجيل فقط

اما طلبات الصداقه بتجيلى على الميل

وبحزفها لازم يفهموا اننا نكتب ونتشارك الرائ

واننا اصحاب فكر ولنا مطلق الحريه فيمن نضيفه او نرفضه

صدمه لماتكتشفى ان فيه شباب واخدالمدونه كستار

ولكنه ينكشف بسهوله

ويسقط قناعه المزيف

لازم اللى زى ده يقف عند حده

عارفه لو التعليق موصلش هقتلك

على فكرة ضفت مدونتك عندى

بس مش راضيه تنضاف فى المدونات الصديقه

عملت المستحيل

اسمعى انا لما اقابل واحد زى ده

بنساهلان حرام اكتب عنه كلمه

لانكده هديلو اهميه

وهو لا اهميه له

تحياتى

جايدا العزيزي said...

الحمد الله وصل

ياه كده حسيت براحه

لو اعرف كنت فشيت غلى فى الانسان المزيف ده

عارفه اللى زى ده

لما تطنشيه يموت منالغيظ

لانه كداب

تحياتى

وحشتينى اوووووووووى

ولا خايفه مدونتى تهنج الجهاز

والله النت الايام اللى فاتت بهدلنى

الصبح ابعت التعليق فى ساعه

لكن بالليل التعليق بيوصل فى غمضه عين

وطول الليل سهرانه اكتب وارد على التعليقات

ورغم النهاردة اول يوم دراسه

عملت السندوتشات

وكريم راح المعهد

ومحمد راح المدرسه

وحسام اول يوم فىkg1

لعبت معاه شويه

ورجعت للبيت

خلصت كلحاجه

وقولت اشوف ايه الجديد

وفرحت لما شفت موضوعك

اسيبك واروح اجيب حسام

تحياتى

gogo!sf said...

الرجاء لكل صاحب تعليق هنا ان يذكر اذا كان التعليق للنشر ام لاء
وبجد التعليقات اللى مش للنشر هحذفها وقتى

محمود(باحث عن حب) said...

سيبييها على الله
ومعلش
بتحصل كتير
الاقنعه تسقط
والكل يبان على حقيقته
ربنا يحافظ عليكى

جوجو said...

السلام عليكم
اكيد فى شخصيات احنا بنديها اكتر من حقها فى التعامل معاهم ودى غلطتنا لكن احنا بنتعلم ومش هنكرر غلطنا المهم روقى كده وحسسيهم انهم ولا يفرقوا معاكى وانهم اقل من انك تفكرى فيهم
تحياتى

جوجو said...

انشر ى عادى

Ramy said...

هو انا شايف

أن انتى مغلطيش

بس يمكن هو ما يقصدكيش

مش عارف انا يمكن مش لاقى مبرر

بس اللى انتى شيفاه صح أعمليه

و بجد مش هنزعل منك فى أى تصرف هتعمليه

أرجو أن تكونى الأن أهدىء


ربنا معاكى و يوفقك

gogo!sf said...

الحب الجميل

صباح النور يا قمر

معاكى حق طبعا معاش ولا كان ولا يقدر ولا يجروء اللى يزعلنى اصلا بس انتى عارفه انى حساسه اوى ركيكه بقى يا بنتى والموضوع اصلا مايستاهلش زى اللى اتسبب فيه اصلا

ميرسيه يا جميل على اهتمامك وبعتذر على قلقك اسفه بجد يا حبى

نورتينى يا قمر

gogo!sf said...

جايدا العزيزى

هو انا بصراحه مش عارفه اذا كان التعليق ده للنشر ولا لاء

انتى مقولتيش انى مش انشر لكن المهم
ان اللى تخافى منهم هما اللى بيدارو تحت اقول الرسول ويظهرو انفسهم بانهم حجاج ومصلين وهما فى الاصل لا يفقهون شىء عن كلام ربنا ولا يعرفون معنى الاحترام وانتى برافو عليكى انك وقفتيه عند حده عشان هو مش يستاهل
وعندك حق طبعا ان الكلام مجرم الكلام بس عنهم خساره فيهم

اهو اتنشر يبقى انا بريئه من القتل خلاص كده

ربنا يبعد عنك وعنا جميعاً كل شر

نورتينى يا جايدا جدا

gogo!sf said...

جايدا العزيزى

ربنا دايما يريح قلبك يا حبيبتى

وقلبك ابيض يا جميل نبقى نفش غلنا فى وقت تانى احنا فاضين دلوقتى احنا ورانا اولا للمدارس وورانا سندوتشات وشغلانات يا ماما اقولك فى الاجازة ان شاء الله يا قمر نبقى نفش غليلنا سوا

بجد هو شخصيه مش تستاهل ان الواحد يضيع وقته فى الكلام عنه بس المشكله انك لما بتحترم شخص معين وتحترمى عقليته جدا وتفجىء ان عكس توقعك بتتصدمى طبعا صدمه مش طبيعيه
بس يا ستى وصحيت بقى من النوم وكان حلم مزعج جدا جدا

انتى كمان وحشتينى اوى اوى وبجد والله العظيم مدونتك بردو بتهنج لى الجهاز كله وبفضل كتير علشان اعرف اعمله ريستارت والله يا بنتى بس مش مهم المهم اننا بنوصل لبعض فى الاخر

ميرسى لاهتمامك يا جايدا وبشكرك جدا يا قمر

نورتينى وبتنورينى دايما

gogo!sf said...

(محمود(باحث عن الحب

كله على الله يا ريس
والحمد لله اننا بنكتشف الاقنعه المزيفه وبنعرف هى ايه بالظبط

وفعلا انا الموقف من المفروض انه لا يذكر يعنى بس بجد انا اللى حساسه زياده عن اللزوم ويمكن لانى مش متعوده اضايق حد او احرج حد ومتعوده دايما ان المعامله بالمثل بكل خير واحترام ولاول مرة حد يتكلم معايا باسلوب سخيف واحس انى انجرحت بجد

بشكرك يا استاذ محمود جدا على زوقك واهتمامك حضرتك

نورتنى جدا جدا

gogo!sf said...

جوجو

وعليكم السلام ورحمه الله وبركاته يا اغلى اسم على قلبى

عارفه المشكله فى ايه ان مافيش حد فى حياتى اديته اكتر من حقه فى التعامل معاه خالص ولا بسمح لنفسى او لاى حد يتعدى حدوده معايا وانا كذالك

وبعدين لازم اروق واكون رايقه جدا بوجودك يا جوجو

انا بعتذر بجد على الازعاج

نورتينى يا جوجو

gogo!sf said...

جوجو

يا واد يا جامد

عادى طبعا ماننشر هو احنا بنخاف ولا حاجه

gogo!sf said...

Ramy
انا فعلا مغلطش والله ومش ممكن اغلط ابدا فى اى حد مهما كانت علاقتى بيه

وسواء هو يقصد او مش يقصد هو الموقف حصل وخلاص وبجد موقف سخيف جدا جدا واول مرة فى حياتى احس انى انجرحت واتحط فى موقف بايخ زى ده

وانا بجد بشكرك جدا على حسن اخلاقك ورقت مشاعرك
وده العشم بردو انكم مش تزعلو من رد فعلى وان شاء الله كل حاجه تكون كويسه وبخير دايما

ميرسى ليك يا رامى جدا جدا

دايما منورنى يا رامى

حلمى البعيد said...

إيه يا غالى
طنشي يا حبيبتى اللى يقصد يهينك لاسمح الله ميستاهلش انك تضايقى نفسك بسببه

وبعدين بتحصل كتير وفي ناس بتغلط فينا من غير وجه حق ومن غير مانوجه ليهم كلام حتى
بس كل واحد وتربيته

طبعا طبعا نزيع يا فندم
التعليق قابل للنشر

romansy said...

يا نهار ابيض بقى مين اللى ف الدنيا يقدر يزعل جوجو بقى
قوليلى مين وانا اديله جايزه
سيبك انتى دى حاجه كويسه اللى حصل دا علشان تعرفى عدوك من صديقك

mrmr said...

يعنى اول مره ادخل عندك القى ان فى مشكله
انا حبيت ادخل مدونتك علشان حبيبه قلبى بتحبك قوى وعرفت اننا ممكن نتقابل قريب فحبيت اتعرف على شخصيتك الجميله اولا قبل ما نتقابل
معلش متزعليش نفسك
تقبلى مرورى وصداقتى

gogo!sf said...

الاستاذ الفاضل صاحب التعليقين

بشكر حضرتك جدا جدا على التعليقين الاروع من بعض لكن مع الاسف انا بعتذر لعدم النشر وبعتذر لحضرتك اذا كنت انا ضيقتك ومعتقدتش انه ده حصل اصلا لكن مش عيب انى اعتذار لحد اكبر منى سناً وحتى لو اصغر منى بردو مش عيب لانى الاعتذار من صفات الادب والاخلاق العاليه وبدون ذكر اسم حضرتك وكشف شخصيتك المرموقه طبعاً

وغير كده انا مش جبانه انى منشرتش تعليقات حضرتك لكن انا محبتش اكشف عن شخصيه انا مازلت بحترمها مهما كان سوء التفاهم اللى حصل وعشان محدش ياخد فكرة غلط عن سعادتك وهى اكيد مش موجوده فيك

اظن ان ده بردو من كرم اخلاقى واحترامى لشخصى

وكمان عشان تعليقات حضرتك غير مرغوب
فيها فى مدونتى

وياريت كفايه تعليقات عشان هحذفها من غير ما اقرأها وطبعا مش هيكون ليها لازمه

هتتعب ايديك وتجهد مخك على الفاضى

وبشكرك للمرة التانيه وبعتذر بردو عن حاجه انا معملتهاش بس مش مهم انا مش خجلانه انى بعتذر

وعليكم السلام

gogo!sf said...

حلمى البعيد
يا بنتى انى حلم حياتى يا مونى والله

اكيد مايستاهلش طبعا بس بردو الاحترام واجب واللى بيحترم بيحترم نفسه قبل الناس ما تحترمه والحمد لله رب العالمين

تعرفى الناس اللى زى كده انا بسميها ايه مريضه نفسيا
لما تلاقى حد يتعامل معاكى بأسلوب مش كويس بدون اى سبب برغم انكم كنتم لسه متكلمين مع بعض بكل احترام ومش حصل موقف ولا اى حاجه يطلق عليهم مرضى على طول من غير نقاش

وانا الحمد لله مش بحب اعرف حد مريض انتى عارفه بقى الواحد مش ناقص اصلا

ولا تقلقى نفسك خالص يا قمر انا بس اللى تقريباً اديت الموضوع اكبر من حجمه
وخلاص الحمد لله كل حاجه راحت لحالها


نورتينى يا مونتى يا قمريا

gogo!sf said...

romansy

محدش طبعاً يقدر يزعلنى ده سوء تفاهم وراح لحاله خلاص

بس ماشى يا احمد عايز تديله جايزة اوكى هبقى اقول بعدين بس انت حضر جايزة حلوة كده تليق بيا يا مان

منورنى يا رومانسى جدا

gogo!sf said...

mrmr

طبعا انا بعتذر بشده ومش عارفه اقولك ايه والله
بس ان شاء الله على ميعادنا وربنا ما يجيب حاجه وحشه

واوعدك انى هعوضلك الخضه والقلق ده بيوم بأذن الله جميل زيكى يا قمر

وطبعاً انا مبسوطه جدا جدا لزيارتك اللى اسعدتنى موت وربنا يبارك فيكى يا جميل

نورتينى جدا يا مرمر

أتنين حبيبين said...

السلام عليكم

أولآ اسفه على غيابى وتأخيرى عنك يا حبيبتى

وحشتينى كتير ويارب تكونى بخير ويطمنى عليكى يارب

وبشكرك من كل قلبى على سؤالك الدائم عن امى ربنا يشفيها ويشفى مرضى المسلمين اجمعين يارب العالمين
انتى من الناس الجميله بجد اللى قليله

أتنين حبيبين said...

بالنسبه للموضوع

مش لوحدك اللى حصل كده معاه
كلنا مرينا بكده والله
واللى يزعلك مش يستاهل اصلا انك تديه حجم اكبر من حجمه

على رأى المقوله

الكلاب تعوى والقافله تسير
وانا دايمآ بشوف تعليقاتك جميله اوى
وكمان عمرك ما فرضتى نفسك على حد
ربنا يبعد عنك اى شر ويحميكى يارب
وربنا ينتقم من كل ظالم حبيبتى

وياريت متزعليش نفسك
لانك حد جميل بعتز بيها اوووووووووووووووى
ربنا يديم الود بينا حبيبتى ويكرمك كل الخير يارب
تحياتى
توتا

عمرو يسرى said...

هو حضرتك بتعتذرى على البوست ده ليه هو مش احنا كمدونين المفروض نفضفض لبعض ولا ايه
حضرتك بتقولى على البوست ده سخيف
مع انى انا شايفه جميل جدا لاكثر من سبب
1- ان حضرتك تكتبتى البوست اللى جاى بنفس مستريحه وبال صافى
2- ان هتعليمنا اسلوب من الاساليب للتعامل مع اى معلق غلس
سواء اتفقنا او اختلفنا على الاسلوب 3- اكيد ممكن يقراء البوست ده ويكون فاضل عنده دم ويجئ يعتذر ويصلح نفسه
4- ان البوست ده صوره تصغيريه من المجتمع فدائما فى المجتمع بنقابلك ناس كتير زيه
ملحوظه
تحديد ناس معينين طبعا هيكون مريح لكى من هذا المعلق ولكن قد يحرمك من اصدقاء محترمين جدد قد يدخلوا التدوين بعد ذلك او مدونيين محترمين سابقين لم يشاء الله لهم دخول مدونتك الجميله قبل ذلك وقد يتعرفوا عليها فى المستقبل فلا تحرمى نفسك من اصدقاء جدد ولكن اجعلى هذا المعلق من المحظورين مثلا فالحل ليس المنع ولكن عقاب المسئ
وفى الاول وفى الاخر افعلى مايكون مريح لكى
واسف للاطاله

gogo!sf said...

أتنين حبيبين

ابدا يا حبيبتى لا غايبه عنى ولا حاجه انتى فى قلبى وعقلى دايماً والله وربنا يعلم

وربنا يعينك على اللى شاغلك عنا ويبعد عنك كل شر امين يارب


وانتى كمان وحشتينى اكتر والله يا قمر
ربنا يخليكى يا توتاويكرمك ويسعدك دايماً يارب

وميصحش تشكرينى عن واجب لازم اقوم بيه وطبعا لو اعرف بيتك كنت جيت زورتها بنفسى زيارة المريض واجب يا قمر

وبجد من قلبى بدعيلها دايما وربنا
يشفيهااللهم امين يارب العالمين

نورتينى يا توتا يا جميله

gogo!sf said...

أتنين حبيبين

والله يا توتا انا عارفه انى حصل مواقف كتير مع ناس انا بحبهم وبحترمهم جدا وشوفت ده بنفسى وكنت زعلانه اوى عشانهم

بس المشكله انى عمرى ما اتحطيت فى اى موقف يحسسنى بحرج مهما كان حجمه وعمرى ما احرجت حد نهائى ولا غلط فى حد خالص فلما تلاقى موقف بسيط حصل معاكى وانتى مش تقصدى اى حاجه يعنى بجد انا كنت هموت والله العظيم عشان مش متعود على ردود حد بطريقه مش كويسه

ربنا يخليكى يا توتا يا جميله انا كمان بعتز بيكى جدا جدا وبجد والله بخاف عليكى موت
ربنا يسعدك يا حبيبتى ويجمعك على خير يا رب مع حسام اللهم امين يارب

سلامى لماما وطمنينى عليها

نورتينى يا توتا يا قمر

gogo!sf said...

عمرو يسرى

طبعا انت حد جميل جدا وبجد شخصيه محترمه اوى اوى وتعليقك بجد اكتر من رائع وفعلا وهو فعلا اللى نتعلم منه ونستفاد منه اكتر من البوست
اولا انا لما كتبت البوست ده مفكرتش خالص فى اى نقاط من اللى حضرتك ذكرتها
وبجد انت عندك حق وانا بشكرك من قلبى على الروح الجميله فى التعاون مع الاخرين فى اى ظرف يمرون به

وطبعا انا عارفه ان تحديد لناس معينه هيكون نتيجته زى ما انت قولت لكن مافيش حل غيرها عشان انا فى الاول حاولت انى اعمل حظر لحد معين وبائت محاولتى بالفشل كالمعتاد طبعا لكن لو انت تعرف طريقه ياريت تقولى عليها فوراً

وبجد بشكرك جدا يا عمرو على زوقك وعلى تعليقك الجميل

نورتنى جدا جدا يا مان

همسات وبحــ الحياه ــر said...

جوجو حبيبه قلبى وحشانى كتيييييير والله

بصى هتلاقى من دا كتير
متشغليش بالك بالناس دى
وعلفكرة بيكونوا معروفين :)

وبعدين بتعتذرى ليه دى مدونتك وكتبى فيها اللى انت عايزاه وبراحتك

عمرو يسرى said...

والله انت اللى اجمل طبعا ديه مش معاكسه ههههههههه
ديه حقيقه بجد
للاسف لسه ما قررتش احظر حد لحد دلوقتى وبالتالى لسه معرفش اسلوب الحظر الصحيح
ان شاء الله لو عرفت هقولك
تحياتى

gogo!sf said...

همسات وبحــ الحياه ــر

يا حبيبتى انتى وحشتينى اكتر والله

ربنا يخليكى يا قمر ويبارك فيكى

ابدا والله انا مش شاغله بالى بالموضوع اصلا بس حبيت اوصله رساله معينه عشان بس يعرف مقدار نفسه ايه بالظبط

وبيكونو معروفين اكيد من مرضهم الذايد وعقدهم اللى بيطلعوها على الناس

يا بنتى دى ناس مريضه والله

ميرسيه يا دموع القمر يا غاليهزى اسمك الجميل يا قمر

منورانى يا حبيبتى

gogo!sf said...

عمرو يسرى

ميرسيه على المجامله الظريفه يا استاذ عمر

وان شاء الله لما تتوصل لطريقه ابقى بلغنى

ميرسيه لاهتمام حضرتك

نورتنى جدا

Ramy said...

شكرا جدا جوجو

(:

gogo!sf said...

ramy

لا شكر على واجب يا رامى انت من الناس المحترمه جدا اللى بجد بعتز بيها

ربنا يديم الود والخير بينا جميعا

نورتنى جدا يا رامى