2010-05-04

لماذا اقتل


موصيبه من واقع الحياه بل الحياة الخاصه ( بتكون ... صعب اكتر)


هل يمكننى ان اعرف الاسباب التى تؤدى الى ذالك؟؟؟

ماهى الاسباب التى تجبر الزوجه ان تقتل زوجها!!!!!

وكيف تجد الجرائه لتفعل ذالك

وكيف استطاعت ان تقطع  الشجرة التى خرجت منها 

بسم الله الرحمن الرحيم

وقد خلقنا من انفسكم ازواجاً لتسكن اليها

صدق الله العطيم

عفوا على عدم كتابه الايه بالتشكيل

انا عارفه طبعا ان الموضوع مش جديد لكن اوقات كتير بيحصل شىء غريب

يهز الانسان من الداخل ويطرح بداخلك مليون سؤال

يعنى ايه شخص يسم نفسه

هى مش الزوجه اتخلقت من ضلع الزوج

يعنى الاتنين واحد ... ايه المبرر

جنون .. مافيش عقل ... الحيوانات معندهاش عقل ولا فكر لكن عندها غريزة

بتخليها تفرق بين الصح والغلط

غيرة ... حب تملك .. ازاى اضيع الشىء اللى انا بحبه وعايزة اتملكه

ممكن يكون مرض نفسى ماشى لكن ازاى المريض النفسى يخطط بالكرهه

والعنف والوحشيه اللى

 تسم..... واللى تقطع

 واللى تدوب انسان لماده سايله

لاء يا جماعه ده مش مرض

الجنون بيكون لحظه لوثه انما ايه التخطيط الغريب ده كله

على العموم الموضوع صعب جدا انا بجد نفسى اعرف ايه الاسباب الحقيقيه

اللى تخلى زوجه تقتل  زوجها

عشان اريح نفسى هقول لعنه ...فيرس ... طاعون

من الاخر

(بعد عن ربنا)




14 comments:

اسماء واحلام فى وجدانى said...

ازيك يا جوجو

مش عارف انا كنت جاى اسلم عليكى
بس نصيبى يجىء فى البوست الدموى ده ليه مش عارف
حمدلله على سلامتك بعد الغياب ده كله

momken said...

حمدالله على السلامه

يعنى راجعه بقتل وتمثيل بجثه وحجات كده
بزمتك ده كلام

طيب شوفى ياستى

المسئله مش كونه جوزها ولا ابنها ولا اخوها
القتل قتل
وتاكدى ان الدافع ورا الجريمه بيكون ابشع احيانا من الجريمه نفسها

دايما فى دافع قوى جداً بيظغط على المتهم للقيام بجريمه زى دى

الست الى قتلت زيك بالظبط الدم بيخوفها والقتل بيرعبها فما بالك بالتمثيل الضحيه
لكن جواها مراره وغل والم ابشع واكبر بكتير من حجم الى حصل
بيخليها متشوفش الا اخطاء الشخص الى نال منها من كرامتها وانسانيتها
هى احتمال قتلته مره لكنه ممكن قلتلها الف مره فى كل لحظه

انا مش فى مجال الدفاع عنها..ولا اجرىء
لكن اكيد ده رد فعل لفعل مش عارفينه
لان محدش بيقتل من فراغ

احساسك عالى اوى وده مش جديد عليكى

تحياتى

حلمى البعيد said...

يااااااااااااااااااااااااه
جوجو
فينك من زمااااااااان وحشانى موووووت
بصي يا جوجو
هى ملهاش حق خالص انها تعمل كده
بحكم الدين والانسانيه والقلب
مش هقولك محبتوش لان ده برده مش دافع للقتل ولا حتى إنها تجرح مشاعره
والزوجه بتحب راجلها حتى لو في فروق لإنه مصدر أمانها والحنان ليها
بس في ناس الشيطان بيضحك عليها وبتقتل من غير وعى
وده اللى بيخليها تعمل كده عمايله هو ممكن يكون بيأذيها خلاها تطلع من شعورها
أنا مش بدافع عن اللى يعمل كده
لا طبعا عاوز أشد عقاب
بس ربنا يهدى ويبعد عننا الشيطان
ونفسي كل زوجين سواء تزوجوا بحب أو من غير حب
يسوا أمورهم ويتماشوا مع بعض
ولو مقدروش في إنفصال
يعنى منخليش أسوء الطرق للإنتقام وأخد الحق هى أسرعها
ربنا يستر علينا
**********
بس برده عوده دمويه يا جميل
مش مهم
المهم إنك رجعتى وحمدله على سلامة القمر

سمكه واحده said...

ايه يابنتي
فينك ياحاجه من زمان
بالنسبه للقتل والله محدش في مكانها عشان يحكم عليها
اكيد طبعا ده فعل خطأ ومشين وشنيع وشوفي انتي بقي
تخيلي اب بيقتل ابنه او اعكس وجرايم كتير من النوع ده
ربنا يكفينا شرها
المهم ربنا يبعدك عنها ياستي وعن السامعين ومحدش يوصل للوضع ده
اخبارك ايه انتي
مش كوسه كده وحلوه؟

تحياتي

gogo!sf said...

اسماء واحلام فى وجدانى

ازيك يا احمد عامل ايه

عاش من شافك وسمع صوتك وقرالك تعليق

يااااااااا دانا مش مصدقه المدونه
نورت والله يا بو حميد

اما بقى البوست الدموى ده فحظك جه كده بس ممكن تعمل نفسك مش واخد بالك واقر البوست اللى قابله عشان تنسى شويه...ههههههههه

بجد منورنى يا احمد ولك وحشه يا باشا

gogo!sf said...

momken

الله يسلمك يا اجمل وارق ممكن فى الدنيا

انا ببحب اتفرج على افلام دراميه كتير وارجع فى الاخر احلم بيها واعمل للبيت كله رعب هههههههههههههه


بص يا ممكن انا عارفه ان الحقد والغيرة ممكن يخلو الانسان يعمل كتير بس مش لدرجه القتل

انا عمرى ما اتخيل ان ممكن حد يعمل ده ابدا مهما كانت الدوافع

حتى لو كان بيقتلنى الف مرة فى كل لحظه زى ما انت بتقول مش ممكن يوصل الحال لقتله

بحبه وبغير عليه اقتله ليه ما اروح لحالى وخلاص

وبعدين اللى تعمل ده مش ممكن تكون زيى ابدا لانها بكل بساطه عندها قالب طوب مكان قلبها

وبعدين المبرر فى حد ذاته بيعتر دفاع يا استاذنا

واللى انتم مش عارفينه انها قتلته عشان طلقها بس رغم انه خيرها قبل الطلاق ما يتم بس

دى حاجه تستدعى لقتل الراجل

طبعا لاء .... وحسبنا الله ونعمه الوكيل فيها بجد

خلاص يا عم فكك

المهم انك منورنى كتيييييييير ودايما بتنورنى والله يا ممكن

gogo!sf said...

حلمى البعيد

وانتى كمان والله يا مونى وحشانى اكتر

يا بنتى اللى يعمل ده مش بيكون عنده مشاعر ولا انسانيه واكيد اكيد بيكون بعيد عن ربنا

المصيبه انها بتموت فيه ده اللى مضايقنى ازاى اقتله عشان بحبه وبغير عليه
استحاله شىء بجد غريب

بس يا جماعه المبررات اللى انتم بتقدموها معناها دفاع عنها

واللى تعمل ده مش تستحق دفاع من اى حد ولا رأفه من اى قلب

على العموم ربنا يسترها معانا ويبعد عننا كل شر

وميرسى ليكى انتى يا قمر

الله يسلم عمرك يا جميل

نورتينى كتييييييييير

gogo!sf said...

سمكه واحده

ايه يا بنتى انتى داخله محكمه تشهدى ولا حاجه

وخدانى وش كده وبعيد عنا وعن السامعين فى ايه هو انا اتهمتك ولا حاجه

بصى يا سمكه احنا فعلا مش فى مكانها ولا هنكون مكانها ابدا بأذن الله

بس تحت اى وضع مش ممكن يوصل للقتل

واتستحاله اقتل جوزى عشان طلقنى وعيزاه يرجعنى وهو رافض بذمتك ده دافع للقتل انا راضيه ذمتك يا شيخه

ربنا ينتقم منها عشان حرقت قلب امه واخواته وقتله شبابه

على العموم انا كويسه وحلوة كده

نورتينى جدا يا سموكه

سمكه واحده said...

طب مش تفهميني سبب القتل ايه
عشان طلقها يعني دي واحده خيبه اوي بلا خيبه دي كانت جبتله هديه
مش تقتله بلا هم حد يعيش مع حد غصب عنه دي تبقي قله كرامه وهو مش عاوز يعيش معاها تبعد فورا وسلام وخلاص ويفتكروا لبعض الذكريات الحلوه وربنا يسعدها مع زوج اخر يعضوها خير وهو بالمثل
طب مهو انا معرفش ايه السبب
اي كان السبب حتي لو جانها او عمل فيها اي حاجه انا مش معاها انها تقتل حتي لو كانت مظلومه كل اللي اقصد طول ما احنا بعيد عن الموقف متقدريش تحطي نفسك مكانها ده لقدر الله لو كان السبب حاجه تستاهل لكن عشان طلقها لا طبعا زمتي مترضاش كده ياستي
ربنا يبعد عننا كلنا كل حاجه وحشه
الحمد الله انك حلوه كده وكويسه يارب ديما
(:
تحياتي

gogo!sf said...

سمكه واحده

والله عندك حق هى فعلا خايبه هو فى حد يعيش مع حد غصب عنه وخصوصا الست
وفى الاخر تموته عشان رفضها كمان ربنا يستر علينا
نورتينى يا جميل

اسماء واحلام فى وجدانى said...

داين تدان

ليله شتاء said...

هههههههه
بجد موضوع جميل
ياسلام أول مرة أزور مدونتك الاقى جرائم قتل

*******
تحياتي

gogo!sf said...

اسماء واحلام فى وجدانى

ماشى يا احمد براحتك

بيتك ومترحك يا باشا

منورنى يا ابو حميد

gogo!sf said...

ليله شتاء

طبعا انا بعتذر كتير جدا

حظك جه كده بقى

بس ممكن تعملى نفسك مش واخده بالك

على العموم

انا سعيده جدا بزيارتك الجميله

نورتينى جدا جدا يا جميل