2009-03-18

زمن الوحوش

احنا فى زمن الوحوش
خرجت الفتاة من بيتها ولم تعد الية مرة اخرى
ذهبت العروسة مع زوج المستقبل

لشراء وتجهيز بعض الاساس لتكوين عش الزوجية

وفي نهاية اليوم توجهو لاحد الاماكن لشراء بعض الملابس
وبعد ان مرو علي اكثر من محل اخير وصلت الي من
يناسبها فتوجهت علي الفور نحو المحل لكي تشتري
ما يناسبها واعجبها



وبعد؟؟؟؟؟؟؟؟؟


ياريتها ما دخلت هذا المكان ولا خرجت من بيتها اصلا طبعا
دخلت البنت بتتفرج وبتتكلم مع البائعين الموجودين داخل المحل
بتطلب اللي عجبها وطبعا زي ما احنا عارفين اني مافيش راجل
بيدخل محل حريمي فطبعا اضطر الراجل يستني برة وهو واثق
من انها داخل المحل بتعمل تيست علي اللى عجبها دخلت الفريسة
البروفة ولم تخرج منها بعد

طال الوقت قلق فدخل الراجل يسال علي خطيبتة وطبعا البايعين
انكرو وجود الفتاة وقالو لاء ما حدش دخل هنا بالاوصاف دي
والراجل مصمم انها موجودة ومخرجتش


وهي دي الغلطة ان الناس اللي في المحل ماخدوش بالهم انها معاها
حد كانو فكرنها لوحدها وبعد اصرار الراجل انها موجودة وهما
بينكرو فاضطر ان يتصل بالشرطة وبعد ماجيء رجال البوليس
وبعد البحث الدقيق داخل المحل اكتشفو اخيرا رجال الشرطة ان
غرفة البروفة فيها زرار اذا ضغط علية تنزل الغرفة لتحت وبعدها
شافو كل حاجة علي الطبيعة
جزار ممكن... سفاح جايز....لكن بالجشاعة والقساوة دي مستحيل
شافو الفتاة المسكينة وغيرها متشرحين ومتاخد منهم اعضاءهم
ياااااااااااااااا
علي القسوة مهما كان احتياجك للمال ازاي تقدر تشرح جسد وتسرق
كل حاجة فية
لحد امتة هنفضل كدة
الاول كنا بنقول احنا مالنا طالما كويسين وبخير ملناش دعوة دلوقتي
بردو هنقول ملناش دعوة

اطفالنا كمان بيتاجرو باعضاءهم
تخيلو ان طفل بريء مالهوش اي ذنب ومش فاهم اي حاجة يتذبح زي
الفرخة ولا بية ولا علية

لحد امتة هنفضل خايفين نخرج من بيوتنا انا من الناس اللي بقيت
اخاف امشي في الشارع حتي وانا مع اهلي بقي كل شيء جايز

الموضوع دة سمعتة وحبيت اتكلم عنة ويمكن يكون مش
حقيقي الله اعلم

ممكن يكون راجل زهقان من مراتة بسبب الشراء بأستمرار
فقال كدة عشان يريح جيوبة وجيوب الرجالة شوية
وده برضو مش اكيد الواحد مبقاش عارف الحقيقة فين

الحقيقة

وهم.... خيال.... كدب.... واقع....
اه.... حقيقة
حقيقة ان الاطفال بيتخطفو من الشارع وتتاخد اعضائهم
( كلية......كبد.......مخ ....عين )
اهههههههو


كلة شغال الحقيقة بتقول ان المجزوبين الى في الشارع
الى كنا بنأكلهم ونشربهم دلوقت بنخدهم عشان نسرق اعضاءهم.....
الحقيقة بتقول ان مصر بقت اكبر بلد لترانزيت الاعضاء............
الحقيقة بتقول ان ارخص واسرع وأأمن مستشفيات لزراعة الاعضاء
في مصر
لحد امتى هنفضل سكتين
هيرمونات مسرطنة
وسكتين
خير البلد
مصانعها . وبنوكها . وشريكاتها
.ونقول خصخصة
ده حتي الغاز
وسكتين
وصلت للاعضاء اعضاء البشر وبرضو سكتين
لحد امتة هنفضل سكتين

ويا تري فاضل اية تاني ممكن ياخدوة
علي العموم خلينا


سكتين
او
مستنين

38 comments:

محمد عبدالرحمن شحا ته said...

انا في الاول بشكرك على إهتمامك باخبار واقعيه تهمنا كلنا وليس افراد بعينهم..ولكن أنا كمان سمعت مثل هذه الوقعات ومن الممكن اني قد أكون سمعت أبشع منها بل رايت مثلها في مدينتي التي أسكن بها وفي واضح النهار وأمام جميع الناس ولا أحد يستطيع أن يتفوه بحرف واحد ...والكثير من هذه الوقائع كانت مع أطفال يتم سرقتهم وتشريحهم والحصول على اعضائهم للمتاجره بها والأغرب ما في الأمر إني سمعت من جدتي عن إمرأه سرقت طفل من امه ثم قابلتها ام هذا الطفل بعد فتره قصيره وكانت هذه المرأه تحمل إبنها التي سرقته منها فهجمت هذه الأم المسكين على المراه وحاولت أن تاخذ منها الطفل وأسرت على أنه إبنها والذي أكد لها ذلك أنه كان بنفس الملابس التي سرق بها فأوقفت الأتوبيس التي كانتا فيه وذهبوا الى قسم الشرطه كل هذا والولد نائم لا يحرك قدم ولا يد ولم يتأثر فقاموا بتفتيش الطفل الصغير فوجدوه مقتولاً وخالياً من احشائه تماماً وبطنه مملوءة بأكياس المخدرات واتضح بعد ذلك ان هذه المرأه كانت تعمل في عصابه لإتجار المخدرات.....ففعلاً كما قلتي أننا في زمن الوحوش....ومشكور على الموضوع

romansy said...

الواقع مؤلم فعلا وبيتعب قوى بس المشكله لاسف مشكله ضمير غاب عنا
ضمير بندور عليه ومش لاقينه ومش لاقيين قدوه لينا

احساس طفلة محبة للرومانسية بس واقعية said...

لا مش ممكن
اية البشاعة دى
فى حد كدا
دول ناس مش محتاجة فلوس
دول ناس متعطشين للدماء
ميعرفوش ربنا
مش عارفة اقولك بعد ما قريت البوست حاسة بأشمئزاز رهيب الدنيا يا ما فيها بس مش كدا

يااااارب دا ميكنش حقيقى ويكون مجرد قصة نتعلم منها اننا نحرص على انفسنا

شكرا لطرحك الموضوع
تقبلى مرورى

aby said...

يا على البشاعة
دى حقيقى فعلا ولا بيتهيئلنا
الواحد اترعب من الكلام ده

اية ده حاجة فظيعة

سمكه واحده said...

ههههههههه
انا متهيقلي اللي عمل كده عمل عشان مراته قرفاه في عشته ومخلصه فلوسه بدري بدري ايوه ايو زي ما بقلك كده
بس راجل عسول ودمه خفيف وبيفكر كويس
عارف ان الستات بتخاف علي عمرها اوي
لا بجد ده ان كان حقيقي خساره الواحد كده هيجيب لبس مش علي قده ديما يا واسع يا ضيق او يستهبل ويجيبه ضيق بقي هنعمل ايه حاجه مش بأدينا ياناس
بس الخبر ده بيخلي الواحد كل شويه يحس ان مصر يوم عن يوم بتذيد امان
وعمار يامصر
وياخوفي من اخر المشواره اه ياخوفي
علي رئي اخونا عبدو
ربنا يستر

gogo!sf said...

محمد عبد الرحمن شحاتة

والله يا محمد الواحد فعلا مهتم ومتابع بأستمرار الاخبار المهم اللى تخنق
بس هنقول اية الواحد زهق من عدم اهتمام الاخرين

وفعلا انا كمان سمعت موضوع الطفل ده وشوفت كمان فيديو وهما بيخلو احشائة وبيملوها مخدرات بس الحقيقة مش معايا دلوقتى الا كنت فرجتكم علية عشان تشوفو الاقساوة اد اية

بشر معدومة من الضمير الحى
ربنا يلطف بعباده

gogo!sf said...

romansy

فعلا مؤلم وبشع جدا
ومافيش ضمير خالص ولا هيكون
الواحد كل يوم يسمع بلاوى
ومافيش حد بيمنع حاجة عشان كده الناس بتزيد
وبياكلو فى بعض اكتر

تحياتى

gogo!sf said...

طفلة محبة للرومانسية

للاسف حقيقى حصلت مع واحدة
والمصيبة فى مكان قريب منى جدا

ربنا يستر عليا جميعا

بشكرك على مرورك

gogo!sf said...

aby

الف سلامة عليكى او عليك من الرعب

حقيقى فعلا

اية وجه الاستغراب فى الموضوع ده
ده موضوع منتشر جدا يا جماعة
وخاصتا مع الاطفال اللى بيتم خطفهم وبيعهم لناس هما بقى يتصرفو فيهم براحتهم

لا حولة ولا قوة الا بالله العلى العظيم

شكرا على الزيارة

gogo!sf said...

سمكة واحده

تصدقى صح اكيد مراتة ارفاه فى عشتة
مهى الستات معروفة بكده والرجالة يا عينى ابرياء نسمة خالص

بجد يا سمكة الكلام ده حقيقى فعلا وبيحصل كتير جدا واقربها من كام شهر فى ناس اجرو شقة مفروشة فى مكان قريب منى جدا لما طلبو من البواب ان حد ينضف الشقة الراجل طبعا بعت مراتة عادى جدا شغلتة بقى اكل عيشة
ماكنش يعرف انهم هيكلو مراتة طلع يندهلها لما اتاخرت علية لاقى الست سيحة فى دمها ومتشرحة ومتاخد منها اعضائها كلها ازاى ده حصل مش فهمة

بس هى دى الحقيقة
متخلاناش نخبط بقى يا سمكة
الا اخبار لقمة القاضى اية
ابقى شليلى طبق

بشكرك يا قمر على الزيارة الجميلة دى

اسماء واحلام فى وجدانى said...

جوجو

موضوعك صعب للغاية حتى فى قراءته

صعب بس للاسف هى دى الحقيقة

ربنا يكفينى شر اللى مستخبى

فى حياتنا

****************************

انا مش متخيل انتى ازاى كتبتى الموضوع ده

fashkool said...

انا فضلت مسبهل وانا اقرأ البوست
هو حقيقى الكلام ده
يا نهار اسود ومطين بهباب
يعنى الواحد ممكن يلاقى اى حد بيحبه معمول فيه كدا
طبعا عشان البلد ما بقاش فيها كبير

ولا حد بيقول لحد حاجه
ولا حد بيحاسب حد
تانى يا نهار اسود ومطين بطين
سلام

gogo!sf said...

اسماء واحلام فى وجدانى

والله يا احمد صعب جدا
والابشع بقى لما تقرا ردى على الاخت سمكة
الحكاية دى للاسف حقيقى وغير مبالغ فيها

ربنا فعلا يكفينا شر المستخبى

على فكرة انا فعلا لما ادخل مدونتك بسيب كل الهموم هنا مبرداش اخدها معايا مع انها بتشبط فيا بس بطنشها
نورتنى يا احمد

gogo!sf said...

استاذى العزيز فشكول

هو اسود ومطين وعليهم شوية هباب كمان
لانى فعلا دى الحقيقة
ومافيش رابط كلة سايب
ارجو ان معلومتى تكون وصلت

ربنا ينتقم من البشر معدومة الضمير

بيسعدنى جدا زيارة حضرتك
شكرا ليك

من غير عنـــوان said...

حادثة مؤسفه

طب وهو ليه مادخلش معاها من الأول
أو لو هي عارفه إن المحل ده بالذات مش بيدخل رجال
طيب تاخد اختها أو صاحبتها معاها
؟؟؟؟؟؟؟؟؟

ميرام said...

فعلا أحداث مؤسفة
للأسف مابقاش في أمان
زمان كانو بيقولو الفرق بين اوروبا والبلاد العربيه انك تقدر تمشي وانت مطمن على نفسك وعلى أهلك
حتى الميزة الوحيده فقدناها للأسف

شكرا لك
تقبلي مروري
تحيـــــــــــاتي

mm said...

على فكرة انا سمعت على الموضوع دة من فترة بس الواحد مش عارف يصدقة ولا لا ولا اقولك وعلية الحيرةالبشاعة بقت رمز من رموز الحياة الناس بقت تبص للفلوس اكتر من اى شى ما يهماش الناس وتعذيبهم يعنى يقتلوا ست وياخدوا اعضائها واية يعنى عادى وكمان يخطفوا طفل ويذبحوة برضو عادى الاهم الفلوس وهما مش هايحسوا بحد ولا يفكروا فى ربنا من كثرة ذنوبهم ماتت قلوبهم على العموم ربنا يلطف بينا ويارب تكون اشاعة مش حقيقة

عمرو said...

أنا سمعت الحكايه دى من حوالى 20 سنه و بعدين سمعتها برضو فى سوريا أنها حصلت هناك و لاأظن فى النهايه اٍنها حقيقيه
الحكايه مش محتاجه خطف و لا حاجه لأن اللى بيبيعوا أعضائهم متوفرين و بكتره و لهم سماسره و متعهدى توريدات و أماكن تجمعات و كله على المكشوف بدون حاجه للجوء للخطف و العنف
ربنا يستر

Bondoka said...

يا ساتر يارب
انا اخر حاجه توقعتها انه يكون حد اغتصبها
انما الشئ البشع ده
يقتلها ويسرق الاعضاء بتاعتها
دى حاجه بشعه
وايه الناس دى فاتحين محل عشان يصطادو فيه

ياساتر على البشر لا بشر ايه دى حيوانات مهو اللى يعمل كده لايمكن يكون عنده ضمير ولا احساس

حسبى الله ونعم الوكيل
ده قتل عارفين يعنى ايه قتل يعنى الناس دى عمرها ماتفرجت على تلفزيون و لا شافت برنامج افتى ولا راحو مدراس

حسبى الله ونعم الوكيل

gogo!sf said...

من غير عنوان

المشكلة مش فى المحل انة مش بيدخل رجالة
انا بقصد ان الرجالة معظمهم مش بيفضلو انهم يدخلو محلات الملابس الحريمى
فعلشان كده هى دخلت لوحدها
انا اسفة مفسرتش كويس معلش سامحنى

بشكرك على زيارتك العزيزة

gogo!sf said...

ميرام

عندك حق والله

مبقاش فى امان ولا هيكون بعد كده
كل ماده والناس بتزيد فى دمار بعض

مبقاش فى تفكير
حتى لو كان اللى هيتأذى ده حد قريب منه ..بقى كل شىء عادى

ربنا يستر

gogo!sf said...

mm

للاسف يا عزيزتى حقيقة
انا سمعت اكتر من اللى انتى سمعتية
وشوفت بلاوى كمان
الواحد بقى بيمشى فى الشارع مرعوب
ومتوقع اى حاجة ربنا يسترها
الطف بينا يا رب

اسعدنى تشريفك جدا

gogo!sf said...

اهلا يا استاذ عمر

انا عارفة ان فى ناس بيبيعو اعضائهم لاحتياجهم للمال

بس بردو بيخطفو وبيقتلو وبيسرقو الاعضاء
الموضوع ده حصل فى مكان قريب جدا من بيتنا وربنا يستر

لو تكرمت حضرتك وقريت ردى على الاخت سمكة هتعرف القصة
والله يا استاذ عمرو مش ببالغ
حضرتك مش عارف مدى الرعب اللى انا فيةواكيد مش لوحدى

بتشرف جدا جدا بزيارة حضرتك

gogo!sf said...

Bondoka

تصدقى بالله انى انا كنت بشترى حاجة من مكان معروف جدا ودخلت محل وطلبت اللى انا عيزاه بس للاسف اخر قطعة من اللون فى البترينة وكان المكان زحمة ومش هينفع دلوقتى يفتح البترينةعشان الزحمة
فحجزتها ودفعت جزء من تمنها عشان ميبعهاش تبقى ليا
بعد اما سمعت الموضوع ده والله العظيم ماروحت اخد الحاجة ولا الفلوس كمان
قولت اسيب لهم الفلوس رحمة ونور على روح اللى بيقتلوهم
وممكن جدا يكون المحل ملهوش دعوة اصلا بالموضوع ده بس على مين الاحتياط واجب
حاكم اختك مش بتخاف من حاجة ابدا


اسعدنى تشريفك جدا

اسماء واحلام فى وجدانى said...

طوال 82 دقيقة وانا بادعى وباقول يا رب يا جوجو قصدى يا رب الزمالك يكسب رغم ان الاولمبى سكندرى يعنى حبيبى ولكن الاخوة تحكم والحمد لله فى الدقيقة 36 اتعادل الزمالك

والمصيبة ان احرز هدف تانى
وكسب المحظوظ وبدل ما اقول جون قلت جوجو فاخويا سالنى مين جوجو ده
فانا قلتله
انا اقصد اجوجو ده لاعيب قاعد فى الاحتياطى وربنا يسامحنى بقا

موناليزا said...

حسبى الله ونعم الوكيل
حسبى الله ونعم الوكيل
حسبى الله ونعم الوكيل
اللهم ارفع غضبك ومقتك عنا
اللهم لاتؤاخذنا بما فعل السفهاء منا
اللهم اذا اردت بقومِ فتنة فاقبضنى اليك غير مفتون

fashkool said...

العزيزه جوجو
تحياتى
اشكرك على التعليق
ولو عايزه تعرفى معلومات زياده ممكن تزورى اسافوا وهو عنده فى مدونته معلومات كتيره عن الامازيغ والرابط فى البوست عندى او فى الفافوريت برضه عندى ممكن تروحى له من هناك
تحياتى

مـجـنـووون said...

لا حول ولا قوة إلا بالله


متقلقيش مش هنفضل سكتين علي طول

أن شاء الله هيجي اليوم إلي نتكلم فيه ونقول الي في نفسنا ونخاف علي مصلحتنا

وفي الوقت ده كل واحد هياخد جزاءه علي الي عمله

تقبلي مروري
مجنووون

ماما أمولة said...

انا زرتك اهو علشان ارد زيارتك الحلوة

الايام دي بقت صعبة قوي واللي بنسمعه فيها فاق الحد

اصبحنا في دوامة مش ملاحقين

نشتكي ايه ونصرخ على ايه

لحد ما فقدنا النطق من كتر اللي شايفينه

ربنا يستر

سلام يا جوجو

gogo!sf said...

اسماء واحلام فى وجدانى

حقيقى يا احمد بضحكنى فى اوقات مش عيزة اضحك فيها خالص بس يلا زى بعضة بقى

المهم انة كسب عشان تعرف انى عندى حق لما اقول ان الزمالك يمرض ولكن عمره ما يموت ابدا ابدا وكمان ده ماكنش مريض ولا حاجة دول كانو شوية برد وراحو لحالهم

منورنى دايما

gogo!sf said...

موناليزا

امين يارب العالمين

اشكرك على الزيارة العزيزة

gogo!sf said...

استاذ فشكول

بشكر حضرتك على الاهتمام
وبالفعل انا روحت مدونة اسافوا
وسيفتها عشان اعرف استمخ وافهم براحتى

بشكرك جدا

gogo!sf said...

مجنون

يا ريت نتكلم
بس ما اعتقدش لانى الخوف مالينا كلنا
اى حد عايز يقول رأية مبيرداش عشان عارف انه لو اتكلم هيروح فى الرجلين

بشكرك على الزيارة

gogo!sf said...

ماما امولة

ربنا يخليكى بجد انا سعيدة جدا لزيارتك
وعندك حق والله فقدنا النطق
والسمع كمان
من كتر ما بنسمع ومش عارفين نعمل حاجة

ربنا يلطف بينا

بشكرك على زيارتك الغالية

اصحى يا مصر : اسلام ديو said...

بلدك مش زى اى بلد
الضعيف هيفضل ضعيف
وبقى البقاء هنا

للأقوى

بتأسف بجد على تأخيرى اللى هو مش بأيدى فعلاً
وجزاك الله خير

اسماء واحلام فى وجدانى said...

ازيك يا جوجو

عاملة ايه

لك وحشة والله

بس للاسف انا ظروفى ملخبطة اوى

ادعيلى

gogo!sf said...

اصحى يا مصر

اهلا يا اسلام

عندك حق والله كلامك كلة حكم
وبعدين ولا اتأخرت ولا حاجة
انت تنور فى اى وقت
بيتك ومطرحك يا دكتور
نورتنى جدا

gogo!sf said...

اسماء واحلام فى وجدانى

الحمد لله يا احمد
انت اخبارك اية
استنى عشان هدعيلك
روح يا احمد يا ابن طنط ام احمد
ربنا يكرمك ويبعد عنك كل اللخبطة
وبعدين متلخبطة روقها لازم تقعد فى نعكشة يعنى انت غريب


بشكرك على سؤالك عليا
ويارب تكون فى احسن حال ان شاء الله