2009-02-24

ابدا لا يموت

صدقت والله
عندك كل الحق ما نقدرش نقول حاجة
الزمالك يمرض ولكن لا يموت
ابدا ابدا ابدا

33 comments:

N VOK said...

هنقول اية ونعيد اية ربنا يصبرنا على ما بلانا وفرجو قريب اوى
.....................

بجد الحاجة الوحيدة اللى لسة ما طالهاش الفساد داخل نادى الزمالك هوالجمهور العظيم اللى مستحمل لحد دلوقت


ربنا يصبرنا
N VOK

اللؤلؤة said...

السلام عليكم
أقول الأخ الفاضل ولا الأخت الفاضلة
شرفتنى بالزيارة وتعليققك الجميل ويسعدنى التواصل معك أما عن الزمالك فهو أحسن نادى فى مصربجمهوره بلاعبيه بمدربيه ولكن ينقصه الأدارة الحازمة الحاسم
تحياتى

mm_mm said...

كلامك جميل وحق بس اللى هايفهمة ويقدرةويارب الزمالك يعدى من ازمتة على خير وكفاية بقى

romansy said...

ربنا معاكو
هتعملوا ايه تانى بقى

fashkool said...

انت زملكاوى ياجوجو .. اوانتى زملكاويه .. قرأت البوستات حتى بوست الشعر ولم اعرف انت رجل ام انثى
على كل انت انسان والمشكله ان انت زملكاوى
ربنا يكون فى عونكم يا زملكاويه
وربنا ياخد بيد الزمالك لينهض من كبوته ويستريح جمهوره من هذا الكابوس
الكره فىمصر لابد ان تكون اهلى وزمالك وما ينفعش انها تكون اهلى بس اوزمالك بس لان قوه احدهم تعنى قوة الآخر
الحمد لله ربنا من على اكون اهلاوى حتى لا اكتوى بهذه النيران
اشعارك جميله واحساسك عالى
اول زياره وان شاء الله لا تكون الاخيره
تحياتى

momken said...

والله يا جماعه وطبعا يا جوجو

مع انى اهلاوى هتى النخاع
الا انى مؤخراً اكن احترام وتقدير كبير لجمهور الزمالك الى منهم ولدى ربنا يديله الصحه

جمهور الزمالك ظاهره تستحق الاحترام والتقدير ويضرب به المثل فى الصبر وطول البال وانا شايف انكم من حقكوا تكسبوا البطولات لانكم فعلا اعظم جمهور

ودى كلام بقوله ومؤمن بيه جداً مع انى اهلاوى جداً جداً جداً
اما فريق الزمالك فلا يستحق الا قراءه الفاتحه


انك تسمع ان ناديت حياً
ولكن لا حياه لمن تنادى

تحياتى

اسماء واحلام فى وجدانى said...

الحقيقة انا اهلاوى بدرجة جنونية

لكن فى داخلى باكون حزين لو الزمالك خسر امام فرقة صغيرة مثلما نرى لانه فريق يستحق التقدير يا جماعة ده واجهة لمصر هو والاهلى

بصراحة انا متعاطف معاه جدا
بس لحد ما يشد حيله

وبكل تاكيد هذا التعاطف موجود معاه فى كل المباريات ماعدا الاهلى لانى اهلاوى

ومع الاتحاد السكندرى لانى اسكندرانى

وربنا يوفق الجميع

Habiba said...

امشى يابت
الهى يموت ياشيخه :p

يعنى اول مره اجى عندك اتخبط فى الزمالك
اخسسسسسسس

وعلى رأى عادل امام فى الفيلم اللى انا لسه سامعه " انا ركبى عدييييد ..والاهلى عديد"

يعنى انا ركبى حديد والاهلى حديد بس هو كان بيقولها كده :))

على فكره متشكره اوى انك متابعانى وخليتينى وربنا اروح اقرا تعليقى تانى عند يويو علشان اشوف عجبك فى ايه :)

ويلا بينا الفاتحه على روح اموات المسلمين والمغفور له نادى الزمالك
:)

gogo!sf said...

N VOK

طبعا زملكاوى جدا
مع الاسف الشديد واضح من اليأس

احب اقول ان لا يأس مع الزمالك

اسعدنى تشريفك

gogo!sf said...

اللؤلؤة

وعليكم السلام ورحمة الله وبركاتة

العيب يا اخى الفاضل مش فى كل اللى انت ذكرتة ابدا

العيب الوحيد فى الكرة

اشكرك جدا على زيارتك الكريمة

بصرف النظر عن انى مش عارفة انت اهلاوى ولا زملكاوى

تحياتى

gogo!sf said...

mm_mm

يا رب تمنياتنا انة يعدى على خير
بس يا ريت تبعدو اليأس ده شوية

اسعدنى موروك

gogo!sf said...

romansy

بقى انت ياعم تطلع فى الاخر
اهلالالالالالالالالالاوى
ماشى ماشى
مع انى قولت الكلام الجميل دة اللى انت طبعا بتكتبة لازم يكون صاحبة زملكاوى

بس ماشى انا بقى هدعى عليك

روح يا شيخ ربنا يرزوقك بزوجة صالحة

وحماتك تكون
كويسة يلا زى بعضة

نورتنى يا عم الاهلاوى

gogo!sf said...

fashkool

طبعا انا بنوتة وزى القمر اكيد

بينى وبينك امر بالستر

ولازم اكون زملكاوية بنت زملكاوى

عندك طبعا حق الكرة فى مصر لازم تكون اهلى وزمالك بس هتقول لمين انا عن نفسى بزعل جدا لو الاهلى مثلا مثلا اتعادل او مثلا اتغلب من الاسماعيلى
(1/0)
اديك شايف حقد الاهلاوية هتكون لمين

اتشرفت جدا بزيارتك
مع انك اهلاوى بس مش مهم

تحياتى

gogo!sf said...

momken

طبعا بنشكرك جدا على الاحترام والتقدير ده مع انى اشك
بس ده اكيد عشان والد حضرتك زملكاوى طبعا

كتر خيرك يا ممكن بجد بس مش عارفة لية مش مصدقه انك نفسك نكسب

بس مش مهم هما كده الاهلاوية
نفسهم نفضل كدة مع انى زعلت جدا جدا لما الاهلى اتغلب من الاسماعيلى

على العموم بنشكرك وبنشكر اى حد اهلاوى على التعاطف الكبير ده

والتحية الطيبة دى مخصوصة لوالد حضرتك ويارب يديلة الصحة وطولة العمر ويشوف الزمالك زى زمان

اسعدنى تشريفك جدا

gogo!sf said...

اسماء واحلام فى وجدانى

خليك انت بس يا احمد فى الاهلى اللى اتبعتر من الاسماعيلى
ومتزعلش على الزمالك ابدا

معلش خيرها فى غيرها

(1/0)

gogo!sf said...

حبيبة

اخس عليك يا لينة
بقى تطلعى اهلاوية لية كده
دة احنا حتى بناويت زى بعض

طب انصرينى يا ام ركب حديد
قال اهلى قال

يا بنتى مدرسة الفن واللعب الزمالك
بابا دايما يقولى كده

اسماء واحلام فى وجدانى said...

طيب بزمتك انتى قلتى الاهلى اتبعتر من

الاسماعيلى


والسبب كان ايه مش برودة خط الوسط

كان كله غايب

المهم ان مش هى دى المشكلة

المشكلة انى مجبتش سيرة الزمالك المنورة

فى كل مكان بحاجة وحشة

لكن حضرتك بعترتى الاهلى ولازم نقيم

على حضرتك الحد

وهو

ارتداء الفانلة الحمراء لمدة 12 ساعة

ولو كان لسة فيكى نفس علشان تحملى

اللون الاحمر هنعيد القارة

كمان 12 ساعة

ايه رايك

fashkool said...

العزيزه جوجو .. تحياتى
شرفتيى ونورتينى وسعدت جدا بزيارتك

اهلا بيك صديقه لمدونتى وان شاء الله لا انقطع عن مدونتك واسمحى لى بوضعها فى المفضلين لدى

اشكرك على رأيك فى المنايفه .. لكن والله هما مفهومين غلط من كل الناس .. عارفه ليه .. لانهم جادين وجديين واحنا فى مصر الجاد والجديه ما بنعملش بيها ولانهم كذلك الجميع ينتقدهم .. نقول عشان هما ناجحين والناجح بيبقى محسود .. نقول اى حاجه المهم كتر خيرك فى رأيك الجميل فيهم
تحياتى

اسماء واحلام فى وجدانى said...

ماتحاوليش

مهما غبتى

اقامة الحد ستنفذ

خلاص الاتحاد اخذ خبر

وجارى البحث عنكى

بين المدرجات

gogo!sf said...

اسماء واحلام فى وجدانى

غياب ولا حضور
على العموم ابقى اخصمهم من اعمال السنة

وعلى العموم مبروك على الدورى من دلوقتى
....................
اظن كدة مش محتاجةاقامة الحد....ولا السبت
تحياتى لكل الاهلاوية

gogo!sf said...

fashkool

انا اللى سعيدة جدا بزيارة حضرتك واتمنى التواصل

وطبعا يزيدنى شرف كبير جدا انى اكون من
اصدقاء حضرتك

اما بالنسبة للمنايفة والله انا مش ببالغ وبتكلم عن تجربتى معاهم
وفعلا ناس فى منتهى الكرم والاخلاق والزوق

اسعدنى تشريفك جدا

تامر علي said...

يمرض براحته خالص ... بس مايكونش المرض معدي علشان الأهلي شكله خلاص ... بيمرض هو كمان ....ياترى مين السبب؟؟؟:)

تحياتي

اقصوصه said...

الله يشفيه :)

gogo!sf said...

تامر على

الف سلامة على الاهلى

وبعدين السبب معروف

كانت نسبة الغياب مرتفعة جدا
زى درجة حرارةالاهلى فى اليوم ده


اسعدنى مرورك جدا

elsha3er said...

طبعا انا اهلاوى ولكنى اشعر ان الزمالك مات خلاص

تحياتى

احمد الشاعر

عمرو said...

ربنا ياخد بيد كل ما هو مصرى و مش بس الزمالك
بس المهم يبقى فيه اٍصرار على النجاح و القيام من الكبوه و التعافى سريعا
و الزمالك طبعا مدرسه فن و لعب و هندسه :)

اسماء واحلام فى وجدانى said...

بيب بيب اهلى

بيب بيب اهلى

تيت تيت زمالك

تيت تيت زمالك

ايه يا جوجو

كلنا مصريين

كلنا ايد واحدة

بلاش تخلينا نعيط على الزمالك

اكتر من كده

ارجوكى مش قادر

gogo!sf said...

اقصوصة

انتى كمان اهلاوية
ماشى الله يسمحك يا شيخة

هما البنات الزملكاوية خلصو
ولا هربو

اسعدنى مرورك

gogo!sf said...

elsha3er

الباقاء والدوام لله وحدة

سعيكم مشكور

اشكرك على المرور الكريم

gogo!sf said...

عمرو

امين يا رب
ونكون ايد واحدة

بس بجد عندك حق
دى حقيقة الزمالك مدرسة فن ولعب وهندسة واكتر من كدة كمان

اسعدنى تشريفك جدا

gogo!sf said...

اسماء واحلام فى وجدانى

بزمتك انت انا راضية
مش فعلا كنت هتعيط بس على الاهلى

على العموم من حقك
مهو لو متعدلش فى اخر دقيقة بعد ما اتفشكل واتبعتر كنت فعلا عيط

على العموم مبروك
مبروك
مبروك

خلى بالك تلاتة اهم عشان مش تزعل

تحياتى

اسماء واحلام فى وجدانى said...

جوجو انتى فهمانى غلط

الفانلة الحمرا زى البيضا

وعلى العموم الحل الوحيد

انك تنزلى بموضوع جديد

علشان الحرب الاهلية دى تنتهى

مع انها من ناحيتك انتى بس

انا الحمد لله

ماليش فى الكورة

هاستنا الجديد منك

يا رب

دومتى لى بالخير يا جوجو

gogo!sf said...

اسماء واحلام فى وجدانى

تصدق يا احمد انى انا اكتشفت بعد 40سنة وربع طبعا
انى مش لية فى الكورة
وتقريبا تطلعت بشجع فريق تانى خالص

ملهوش علاقة بالعب اصلا

تحياتى