2010-09-22

لحظه عتاب


اود ان اعود الى بطن امى لكى امحى من ذاكرتى

لحظاتك القاسيه  .... لحظات المواجهه مع نفسى

ما اقساه قلبك

ان يمتعه اشعال النيران بقلبى !!!!!

ان يحرق كل اماكنك بداخلى  .... كم انت قاسى

لقد جفت الدموع بعينى  ولم يبقى لى

سوى اهاتى وانينى ..... كم تحنو اليهم حبيبى

كـــــــ م    تــــــشـــــتـــــــاقــــــهـــــ م

يقتلنى ذكرى حب..... صارت انفاسى تبحث عنه

منذ طفولتى

وعندما اصبح حبك  ملك لقلبى

قد رحل عنى ورحلت معه انفاسى

ولم ابقى سوى قلب بلا نبض

اننى لن اعود اليك  مرة اخرى..... لن اعود الى قلبك

الــــــــــ ى حـــــــبـــــــــ ك

اقسم بالله اننى لن اشتاقك ابدا

لن احتاجك

لن احنو لهمسات صوتك !!!

لن اشتاق ابدا ان تداعب اصابعك يدى

لن احلم بك ولا اتأمل نظراتك

بداخلى بعد

ولا اقسى عليك يوماً مثلك يا قدرى

2010-09-19

اعتذار واجب


بعتذر فى البدايه عن الاسلوب فى الكتابه وعن اكيد اى غلطه
عشان انا مش هكون مركزة كويس وانا بكتب الموضوع ده
وحتى مش هفكر انا عايزة اقول ايه انا هكتب اللى فى قلبى
واحساسى فى هذه اللحظه

طبعا حاجه غريبه جدا انى اكتب موضوع بالاسلوب ده او حتى اتكلم على
شخص معين بالطريقه دى لانها مش اخلاقى ولا حتى طبعى ولا اسلوبى
 اطلاقاً ومعتقدش انى فى يوم ضايقت حد او حتى حصل طاتش بينى وبين
اى شخص سواء على المدونه او الفيس بوك واكيد كل الناس عارفه ده
 كويس اوى

الموضوع الاساسى انك لو فى شخص معين انت بتحترمه اوى وبتقدرة جدا
  جدا وبدون اى سبب وجهه  اهانه ليك  ايه يكون رد فعلك برغم انها مش اهانه
بالمعنى لكن الاسلوب فى الرد كان سخيف جدا وغير لائق لشخصيتى!
 وانا اعتبرتها اهانه لشخصى

المشكله  بقى ان  الشخص غريب الطبع ده انا عمرى ما اتكلمت معاه باى اسلوب
 مش لائق عشان هو يسمح لنفسه ويتكلم معايا بطريقه مستفذه وسخيفه زيه
وبجد انا اول مرة فى حياتى من اول ما اتولدت لحد ما دلوقتى  محصلش معايا اى
موقف مستفذ ولا مهين لشخصيتى من اى شخص خلقو ربنا
عشان انا عمرى ما اهانت حد عشان تترد لى وهفضل كده لحد ما اموت
لا اهين حد ولا حد يجروء يضايقنى 

بجد انا عايزة اقولك انك فعلا نزلت من نظرى جدا وعمرى
ما كنت اتخيل ان شخصيتك غير ما توقعتها بالعكس انا كنت فاكرة انى مش مديالك حقك
فى تقديرى لشخصيه حضرتك بس مع الاسف لاول مرة تطلع نظرتى غلط فى حد
وكمان انا ما ضفتكش انت اللى ضفتينى وانا مش بضيف حد خالص
حتى الفيس بوك عمرى ما ضفت حد غير ناس معينين بس واعرفهم وعارفه وواثقه انهم محترمين جدا  ومش دايما كمان بعمل ده قليل جدا جدا

معتقدتش انى اتكلمت مع حد بأسلوب مستفذ او ضايقت حد ولا حتى اتعديت حدودى مع اى حد ولا حد بردو تعدى حدوده معايا بالعكس كل الناس اللى انا اعرفهم هنا محترمين جدا وانا بجد بقدركم كلكم وبعتذر لكل حد انا ممكن اكون ضايقته غظب عنى

وبعتذر طبعاً عشان انا هحدد ناس معينين اللى هيدخلو على المدونه وطبعاً الناس اللى ايميلاتهم موجوده معايا وكمان اللى غيرايميلو ويحب يسيب الميل الجديد اهلا وسهلا بيه طبعاً واى حد يحب يشرفنى بردو اهلا وسهلا بيه واكيد هيكون تعليقه اللى فى الايميل ممنوع من النشر
وشكراً للجميع وبعتذر على البوست السخيف ده

2010-09-05

عرفت معنى الحب



عرفت معنى الحب ولا لسه محستوش


دى بقى التجربه التانيه
غــــــــــيــــــر الاولى
الاولى حلفت ما تتحمل
قولت انزل الفيديو ده واجرب مكسفنيش
 الراجل بصراحه ونزل وسمع الكلام اهو
اتفرجو على تجربتى الفاشله يمكن تعجبكم
ولازم طبعاً تعجبكم هو انا اتعب وكمان مش تعجبكم

بجد اتمنى انها تعجبكم



عاشقه الاحزان
gogo!sf